బాలీవుడ్ నటి జాన్వీ కపూర్ ప్రస్తుతం తన చెల్లి ఖుషీ కపూర్, సోదరి అన్షులతో కలిసి యూఎస్‌ఏలో ఉంది. తను చేయబోయే కొత్త సినిమా 'హెలెన్' కోసం అక్కడే కసరత్తులు చేస్తోందట.
మలయాళంలో విజయవంతమైన 'హెలెన్' చిత్రాన్ని హిందీలో రీమేక్ చేయన్నారు. మాతుకుట్టి జేవియర్‌ దర్శకత్వం వహించిన ఈ సినిమాలోని కథానాయిక పాత్ర చాలా క్లిష్టమైన పరిస్థితులు ఎదుర్కొంటుంది. ఫ్రీజర్ గదిలో -18 డిగ్రీల సెంటిగ్రేడ్‌ చలిలో 'హెలెన్' ఉంటుంది. ఆ క్రమంలో తన ప్రాణాలను కాపాడుకునేందుకు ప్రయత్నిస్తుంది. ఇప్పుడు జాన్వీ చేయబోయో పాత్ర కూడా అదే.