సూపర్స్టార్ మహేశ్ బాబు ప్రస్తుతం నటిస్తున్న చిత్రం ‘సరిలేరు నీకెవ్వరు’. ప్రస్తుతం కశ్మీర్లో చిత్రీకరణ జరుపుకుంటోంది. ఈ సినిమా నుంచి నటుడు జగపతిబాబు తప్పుకున్నాడని గత కొద్ది రోజులుగా వార్తలు వస్తూనే ఉన్నాయి. వీటన్నింటిపై ఈ రోజు స్పష్టతనిస్తూ దర్శకుడు అనిల్ రావిపూడి, నటుడు జగపతిబాబు ట్వీట్స్ చేశారు.
"‘సరిలేరు నీకెవ్వరు’లో నటించడానికి జగపతిబాబు చాలా ఆసక్తి చూపారు. తన పాత్రను ఇష్టపడ్డారు. అయితే కొన్ని కారణాల వల్ల ఇందులో నటించడం లేదు. కానీ భవిష్యత్తులో ఆయనతో కలిసి పని చేయాలని కోరుకుంటున్నా. ఈ విషయంలో మమ్మల్ని అర్థం చేసుకున్నందుకు కృతజ్ఞతలు" -అనిల్ రావిపూడి, దర్శకుడు
"నేను సినీ ఇండస్ట్రీలో 33 ఏళ్లుగా ఉన్నా. ఇలా ఎప్పుడూ వివరణ ఇవ్వాల్సిన అవసరం రాలేదు. 'సరిలేరు నీకెవ్వరు' సినిమా నుంచి నేను తప్పుకున్నానని చాలా పుకార్లు వచ్చాయి. కానీ అది నిజం కాదు. ఇప్పటికీ ఆ పాత్రంటే నాకిష్టం. కొన్ని పరిస్థితుల ప్రభావం వల్ల అందులో నటించడం లేదు. చిత్రయూనిట్ మొత్తానికి ఆల్ ది బెస్ట్."