తమిళ నటుడు ధనుష్‌తో దర్శకుడు కార్తిక్‌ సుబ్బరాజ్‌ ఓ చిత్రం తెరకెక్కిస్తున్నాడు. ప్రస్తుతం చిత్రీకరణ జరుపుకొంటోంది. తెలుగులో 'జగమే తంత్రం' పేరుతో విడుదల కానుంది. ఐశ్వర్య లక్ష్మి నాయిక. తాజాగా ఈ సినిమా ఫస్ట్లుక్, మోషన్ పోస్టర్ విడుదల చేసింది చిత్రబృందం. దీనికి సంబంధించి రూపొందించిన ఓ వీడియో ప్రస్తుతం వైరల్ అవుతోంది. పాత్రల్ని పరిచయం చేస్తూ, సాంకేతిక వర్గ వివరాలు తెలియజేసే విధానం ఆకట్టుకుంటోంది.
తుపాకి పేలుస్తూ అదరగొడుతున్న ధనుష్ - ధనుష్ కొత్త చిత్రం మోషన్ పోస్టర్ విడుదల
తమిళ నటుడు ధనుష్ కొత్త చిత్రం 'జగమే తంత్రం' ఫస్ట్లుక్, మోషన్ పోస్టర్ విడుదల చేసింది చిత్రబృందం. ప్రస్తుతం దీనికి సంబంధించిన వీడియో సామాజిక మాధ్యమాల్లో వైరల్ అవుతోంది.
అదరగొడుతున్న ధనుష్ ఫస్ట్లుక్
ధనుష్ రెండు విభిన్న పాత్రల్లో అదరగొడుతున్నాడు. ఓ పాత్రలో తెల్లని దుస్తులు ధరించి తుపాకి పేలుస్తుంటాడు ధనుష్. ఇందులో మాస్‌గా, మరోచోట క్లాస్‌గా దర్శనమిచ్చి అంచనాలు పెంచుతున్నాడు. సంతోష్‌ నారాయణ్‌ అందించిన నేపథ్య సంగీతం అలరించేలా ఉంది. వై నాట్‌ స్టూడియోస్‌ నిర్మిస్తున్న ఈ చిత్రం మే 1న ప్రేక్షకుల ముందుకు రానుంది.
Last Updated : Mar 1, 2020, 10:19 PM IST