'బాహుబలి' సినిమా తర్వాత ప్రభాస్ ప్రపంచవ్యాప్తంగా గుర్తింపు తెచ్చుకున్నారు. విదేశాల్లో కూడా ఆయనకు ఎంతోమంది అభిమానులున్నారు. దీంతో, ప్రభాస్ సినిమాల గురించి విదేశీ మీడియాలో కూడా వార్తలు వస్తుంటాయి.
ప్రస్తుతం ప్రభాస్ 'రాధేశ్యామ్‌' సినిమాలో నటిస్తున్నారు. ఈ చిత్ర షూటింగ్‌ కొన్ని రోజులుగా ఇటలీలో జరుగుతోంది. సినిమాలోని కొన్ని కీలక సన్నివేశాలను ఇక్కడ చిత్రీకరిస్తున్నారు. ఈ మేరకు 'రాధేశ్యామ్‌' షూటింగ్‌ గురించి ఇటలీ మీడియా ప్రత్యేక కథనాల్ని ప్రసారం చేసింది. దీనికి సంబంధించిన వీడియోలు ప్రస్తుతం నెట్టింట్లో చక్కర్లు కొడుతున్నాయి.