శివానీ రాజశేఖర్ హీరోయిన్గా పరిచయమవుతున్న చిత్రం 'టూస్టేట్స్'. అడివి శేష్ హీరో. చిత్ర నిర్మాత- దర్శకుడు మధ్య మనస్పర్ధల కారణంతో షూటింగ్ మధ్యలోనే ఆపేశారు. ప్రస్తుతం ఈ విషయం కోర్టు కేసుల వరకు వెళ్లింది. నిర్మాత ఎం.ఎల్. వి సత్యనారాయణపై దర్శకుడు వెంకట్రెడ్డి కేసు పెట్టాడు.
అసలేం జరిగింది...?
చేత‌న్ భ‌గ‌త్ న‌వ‌ల ' టూస్టేట్స్' ఆధారంగా.. అదే పేరుతో తెలుగులో సినిమాను రూపొందిస్తున్నారు. అడివి శేష్, శివానీ రాజశేఖర్ న‌టిస్తున్నారు. వెంకట్ రెడ్డి దర్శకుడిగా ప‌రిచ‌యం అవుతున్నాడు. ఎం.ఎల్.వి.స‌త్య‌నారాయ‌ణ (స‌త్తిబాబు) నిర్మాత. దాదాపు 70 శాతం షూటింగ్ పూర్తి చేసుకుంది. చిత్రీకరణ సాగుతుండగా కథలో కొంత భాగాన్ని మార్చాలని నిర్మాత, దర్శకుడికి చెప్పాడు. ఈ కారణంలో వారిద్దరి మధ్య అభిప్రాయ భేదాలు వచ్చి షూటింగ్ ఆగిపోయింది.