బాలీవుడ్ హీరో ఇషాన్ ఖట్టర్ ప్రధాన పాత్రలో నటించిన వెబ్సిరీస్ 'ఎ సూటబుల్ బాయ్'. విక్రమ్ సేథ్ నవల ఆధారంగా దీనిని రూపొందించారు. ఇందులో నటి టబు కీలక పాత్రలో కనిపించనుంది. సలామ్ బాంబే, మాన్సూన్ వెడ్డింగ్ వంటి హిట్ చిత్రాలనందించిన నాయర్ ఈ సిరీస్కు దర్శకత్వం వహించాడు.
దీనిని బీబీసీలో ఆరు భాగాలుగా ప్రసారం చేయనున్నారు. దీంతో ఇషాన్ తొలిసారి టెలివిజన్ రంగంలో అరంగేట్రం చేస్తున్నాడు. సిరీస్లో టబు పాత్రతో తనకున్న అనుబంధాన్ని వివరిస్తూ.. ఆసక్తికర విషయాలు పంచుకున్నాడు ఇషాన్. టబుతో కలిసి కొన్ని శృంగార సన్నివేశాల్లో నటించినట్లు తెలిపాడు.
ప్రస్తుత కాలంతో పోలిస్తే ఇది అసాధారణమైన రిలేషన్షిప్. కథలో ఇది ఎవ్వరూ అంగీకరించని రొమాన్స్. ఆమె ఒక వేశ్య. హీరో హిందూ కుటుంబానికి చెందిన మంత్రి కుమారుడు. ఇంకా చెప్పాలంటే ఆమె వయసులో సగం ఉటుంది అతడి వయసు. సామాజిక వర్గాల్లో దీనిని క్షమించరాని నేరంగా భావిస్తారు. కానీ, వారిద్దరి మధ్య ఉన్న బంధం ఎంతో అద్భుతమైనది.
ఇషాన్ ఖట్టర్, బాలీవుడ్ నటుడు
ఇటీవలే బ్రిటన్లో ఈ సిరీస్ ప్రసారమైంది. త్వరలోనే భారత్ సహా ప్రపంచ వ్యాప్తంగా నెట్ఫ్లిక్స్లో ప్రేక్షకుల ముందుకు తీసుకురానున్నారు. ఈ సిరీస్లో ఖట్టర్, టబుటో పాటు.. తాన్య మణిక్తాలా, రసిక దుగల్, రామ్ కపూర్, మహీర్ కక్కర్ తదితరులు కీలక పాత్రలు పోషించారు.
