టాలీవుడ్ అగ్రహీరో విక్టరీ వెంకటేశ్ నటించిన 'వాసు', 'మల్లీశ్వరి', 'నువ్వు నాకు నచ్చావ్‌' చిత్రాల వెనకుండి, తన మాటలతో అదరగొట్టారు త్రివిక్రమ్. వెంకీ మేనరిజానికి ఇతడి డైలాగులు తోడైతే ఆ మజానే వేరు. మాటల రచయిత నుంచి దర్శకుడిగా మారిన త్రివిక్రమ్... రైటర్గా ఎంత క్రేజ్‌ సంపాదించాడో దర్శకుడిగా అంతకు మించి గుర్తింపు తెచ్చుకున్నారు. దాంతో వీరిద్దరి కాంబినేషన్లో సినిమా ఎప్పుడు వస్తుందా? అని కొన్నేళ్ల నుంచి అభిమానులు ఆసక్తిగా ఎదురుచూస్తున్నారు. అయితే త్వరలోనే ఆ కల నెరవేరే అవకాశముందని సమాచారం.
మాటల మాంత్రికుడి దర్శకత్వంలో వెంకటేశ్! - త్రివిక్రమ్ -వెంకటేశ్ కాంబో మూవీ
ఇప్పటివరకు వెంకటేశ్ సినిమాలకు రచయితగా పనిచేసిన త్రివిక్రమ్.. తొలిసారి అతడి చిత్రానికి దర్శకత్వం వహించనున్నాడనే ప్రచారం సాగుతోంది. పూర్తిస్థాయి హాస్యభరిత కథతో దీనిని తెరకెక్కించనున్నారట.
త్వరలో త్రివిక్రమ్ దర్శకత్వంలో వెంకటేశ్!
'అల వైకుంఠపురములో' తర్వాత ఎన్టీఆర్తో ఓ చిత్రం ప్రకటించారు త్రివిక్రమ్. 2021 వేసవిలో విడుదల చేయాలని భావించారు. 'ఆర్ఆర్ఆర్' షూటింగ్ పూర్తయిన తర్వాత తారక్‌తో చిత్రీకరణ మొదలుపెట్టాలకున్నారు. లాక్‌డౌన్‌ వల్ల 'ఆర్ఆర్ఆర్' ఆగిపోయింది. అది ముగిసిన తర్వాత తారక్‌తో అంటే అధిక సమయం పడుతుంది. ఈ లోపు మరో ఎంటర్‌టైనింగ్‌ కథతో, వెంకీ హీరోగా ఓ చిత్రం చేయాలనుకుంటున్నారు త్రివిక్రమ్. కామెడీ నేపథ్య కథతో దీనిని తీసే అవకాశం ఉంది. ఈ ప్రాజెక్టు పూర్తయ్యేసరికి ఎన్టీఆర్ 'ఆర్ఆర్ఆర్' పూర్తి కావొచ్చు.
Last Updated : May 6, 2020, 6:49 AM IST