ఒక్క సినిమాతోనే సినీ కెరీర్​కు పుల్​స్టాప్!

'ఆదిత్య వర్మ'తో ఎంట్రీ ఇచ్చిన విక్రమ్ తనయుడు ధ్రువ్​.. త్వరలో కెరీర్​కు పుల్​స్టాప్​ పెట్టబోతున్నాడనే వార్త హాట్​ టాపిక్​గా మారింది. తొలి సినిమా అంతగా ఆకట్టుకోకపోవడమే ఇందుకు కారణమని టాక్.

తమిళ స్టార్​ హీరో విక్రమ్​ తనయుడు ధ్రువ్​.. గతేడాది వచ్చిన 'ఆదిత్య వర్మ'​తో హీరోగా పరిచయమయ్యాడు. తెలుగు బ్లాక్​బస్టర్ 'అర్జున్ రెడ్డి'కి రీమేక్ ఇది. భారీ అంచనాల మధ్య వచ్చిన ఈ చిత్రం.. అంతగా ప్రేక్షకాదరణ దక్కించుకోలేకపోయింది. ధ్రువ్​ను విజయ్ దేవరకొండతో పోల్చుతూ నెటిజన్లు ట్రోలింగ్ చేశారు. ఈ కారణంతో ఇకపై సినిమాలు చేయకూడదని అనుకుంటున్నాడట ధ్రువ్.

ఈ నేపథ్యంలోనే ఇండస్ట్రీ నుంచి తప్పుకొని, బిజినెస్​ చేసుకోవాలని అనుకుంటున్నట్లు సమాచారం. ఈ వార్తలు ఎంతవరకు నిజమో తెలియాలంటే, అతడికి సంబంధించిన కొత్త సినిమా ప్రకటన వచ్చే వరకు వేచిచూడాల్సిందే.