ఐశ్వర్యరాయ్ రెండోసారి తల్లి కాబోతుందా?

బాలీవుడ్​ హీరో అభిషేక్ బచ్చన్ చేసిన ఓ ట్వీట్ పలు సందేహాలకు తావిస్తోంది. అతడి భార్య ఐశ్వర్యరాయ్ మరోసారి తల్లి అయిందా? అంటూ పలువురు కామెంట్లు పెడుతున్నారు.

మాజీ ప్రపంచ సుందరి, హీరోయిన్ ఐశ్వర్యరాయ్​.. మరోసారి తల్లి కాబోతుందా? అనే సందేహం నెటిజన్లకు వచ్చింది. ఆమె భర్త, హీరో అభిషేక్ బచ్చన్​ చేసిన ట్వీట్ ఇందుకు కారణమైంది. "త్వరలో మీకు ఓ సర్​ప్రైజ్​ ఇస్తున్నా" అని ఈ ట్వీట్​లో ఉంది.

దీనిపై స్పందించిన నెటిజన్లు.. వివిధ కామెంట్లు పెడుతున్నారు. "మీరు రెండోసారి తల్లిదండ్రులు కాబోతున్నారా?", "మీ కూతురికి తమ్ముడు/చెల్లి రాబోతున్నారా?", "మరో జూనియర్ బచ్చన్ రాబోతున్నాడా?" అని రాసుకొచ్చారు.

కూతురు ఆరాధ్యతో ఐశ్వర్యరాయ్

ఓ నెటిజన్​ మాత్రం విభిన్నంగా అడిగాడు. మీరు(అభిషేక్) బాలీవుడ్​ నుంచి రిటైర్మెంట్​ తీసుకోనున్నారా? లేదా 'ధూమ్ -5' సినిమా గురించి ఏమైనా చెప్పబోతున్నారా? అని అన్నాడు. మీరు కౌన్​ బనేగా కరోడ్​పతి తర్వాతి సీజన్​కు వ్యాఖ్యతగా వ్యవహరించనున్నారా? నాన్న(అమితాబ్) ఆరోగ్యం ఎలా ఉంది? అంటూ కామెంట్ పెట్టాడు మరొకరు.

అభిషేక్​ బచ్చన్ కొత్త సినిమా 'బాబ్ బిశ్వాస్' షూటింగ్.. ఈ శుక్రవారం కోల్​కతాలో మొదలైంది. బాద్​షా షారుక్ ఖాన్​ నిర్మాతగా వ్యవహరిస్తున్నాడు.

ఇది చదవండి: మిమ్మల్ని ప్రేమిస్తూనే ఉంటాం నాన్నా.. ఐశ్వర్య భావోద్వేగం