ప్రభాస్ తర్వాతి సినిమా అలా ఉండబోతోంది..!

'బాహుబలి' హీరో ప్రభాస్ నటించబోయే తదుపరి సినిమా ఎలా ఉండబోతుందో తెలిపాడు యంగ్ రెబల్ స్టార్. ఇది యూరప్ నేపథ్యంలో సాగే విభిన్న ప్రేమకథని చెప్పాడు.

ప్రభాస్ నటించిన భారీ యాక్షన్ చిత్రం 'సాహో' విడుదలకు సిద్ధమైంది. శుక్రవారం ప్రేక్షకుల ముందుకు రానున్న ఈ సినిమా ప్రమోషన్స్​లో భాగంగా హీరో యంగ్ రెబల్ స్టార్​ మీడియాకు ఇచ్చిన ఇంటర్వ్యూలలో తన తదుపరి సినిమా గురించి ఆసక్తికర విషయం చెప్పాడు.

'జిల్' ఫేం రాధాకృష్ణ దర్శకత్వంలో తెరకెక్కుతోన్న ఈ సినిమా 1960 నాటి యూరప్ నేపథ్యంలో సాగుతుందట. ఇదో ప్రేమకథ అని.. ఇలాంటి విభిన్న కాన్సెప్ట్​ ఇప్పటివరకు భారతీయ చిత్రాలలో చూసి ఉండరని చెప్పుకొచ్చాడు ప్రభాస్.

భారీ బడ్జెట్ సినిమా కాకపోయినప్పటికీ పాన్ ఇండియా మూవీగా తెరకెక్కనుందట. ఈ చిత్రం ఇప్పటికే 20 రోజులకు పైగా చిత్రీకరణ జరుపుకొంది. వచ్చే ఏడాది విడుదల చేసేందుకు సన్నాహాలు చేస్తుంది చిత్రబృందం.

ఇవీ చూడండి.. దిశా.. నిన్ను చూస్తే ఎక్కుతుంది నిషా..!