మెగాస్టార్ చిరంజీవి, పవర్స్టార్ పవన్కల్యాణ్(chiranjeevi pawan kalyan movie) కలిసి ఒకే తెరపై సందడి చేస్తే చూడాలనేది ప్రతి అభిమాని కోరిక. గతంలో పవన్.. చిరు నటించిన 'శంకర్దాదా జిందాబాద్'లో అతిథి పాత్రలో మెరిశారు(chiranjeevi pawan kalyan movie). ఆ తర్వాత వీరిద్దరూ కలిసి నటిస్తారని ఊహాగానాలు వినిపించినా ఆ కాంబో ఇప్పటివరకు పట్టాలెక్కలేదు. అయితే ఇప్పుడు ఈ మెగాబ్రదర్స్ కలిసి నటించేందుకు సిద్ధమయ్యారని మరోసారి ప్రచారం ఊపందుకుంది.
చిరు నటించనున్న 154వ సినిమా(bobby chiranjeevi movie) షూటింగ్ నవంబరు 6న లాంఛనంగా ప్రారంభమైంది. ఈ చిత్రానికి బాబీ దర్శకత్వం వహిస్తున్నారు. ఈ మూవీలోనే పవన్ కూడా నటించనున్నారంటూ టాలీవుడ్ టాక్. అయితే అది పూర్తిస్థాయి పాత్ర లేదా గెస్ట్ రోల్ అనేది స్పష్టత లేదు. నెట్టింట్లో దీనిపై అభిమానులు తెగ చర్చించుకుంటున్నారు. ఈ విషయం గురించి త్వరలోనే చిత్ర నిర్మాణ సంస్థ మైత్రీ మూవీమేకర్స్ ప్రకటన చేస్తుందట! మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.