నితిన్ 'బతుకు బస్టాండే'.. 'పద్మవ్యూహం'లోకి సుశాంత్

కొత్త సినిమా అప్​డేట్స్​ వచ్చేశాయి. ఇందులో నితిన్​ 'రంగ్​దే', సుశాంత్​ 'ఇచ్చట వాహనములు నిలుపరాదు' సినిమా విశేషాలు ఉన్నాయి.

టాలీవుడ్​ యువహీరో సుశాంత్​ కొత్త సినిమా 'ఇచ్చ‌ట వాహ‌న‌ములు నిలుప‌రాదు' సినిమాలోని 'పద్మవ్యూహం' పాటను విడుదల చేసింది చిత్రబృందం. ఈ చిత్రంతో దర్శన్​ దర్శకుడిగా పరిచయమవుతున్నారు. మీనాక్షి చౌదరి హీరోయిన్. ఏ1 స్టూడియోస్, శాస్త్ర మూవీస్ బ్యానర్​ సంయుక్తంగా నిర్మిస్తున్నాయి.

నితిన్​ హీరోగా నటించిన 'రంగ్​ దే' సినిమాలోని 'బతుకే బస్టాండ్' సాంగ్​ విడుదలైంది. కీర్తి సురేశ్​ కథానాయిక. ప్రేమకథగా తెరకెక్కిన ఈ చిత్రం మార్చి 26న ప్రేక్షకుల ముందుకు రానుంది. ఈ చిత్రానికి వెంకీ అట్లూరి దర్శకత్వం వహిస్తుండగా, దేవిశ్రీ ప్రసాద్ సంగీతమందిస్తున్నారు. సూర్యదేవర నాగవంశీ నిర్మిస్తున్నారు.

శ్రీ విష్ణు హీరోగా నటించిన 'గాలి సంపత్' ట్రైలర్​ను విడుదల చేశారు దర్శకుడు రాజమౌళి. ఈ ప్రచార చిత్రం ఆద్యంతం ప్రేక్షకులను ఆకట్టుకునేలా ఉంది. మార్చి 11న సినిమాను ప్రేక్షకుల ముందుకు తీసుకురానున్నట్లు చిత్రబృందం ప్రకటించింది.

ఇదీ చూడండి:ఆకట్టుకునే అందం 'యాషిక' సొంతం