భారతీయ సినీ పరిశ్రమలో భాషకు సంబంధించిన అడ్డంకులు తొలిగిపోతున్నాయి. భాష ఏదైనా నటించేందుకు సై అంటున్నారు నటీనటులు. అలానే వారు ఏ చిత్రసీమకు చెందినవారైనా వారితో సినిమా చేసేందుకు ఆసక్తి కనబరుస్తున్నారు దర్శకనిర్మాతలు. ఈ క్రమంలోనే ఎంతోమంది నటులు తమదైన నటనశైలితో దేశవ్యాప్తంగా ప్రేక్షకులను అలరిస్తూ క్రేజ్ సంపాదించుకుంటుంన్నారు. ఈ విధంగా తమ మార్కెట్ విలువను పెంచుకుంటుంటుంటారు. అలా కొంతమంది తమ ఖ్యాతిని అంతర్జాతీయ స్థాయి వరకు విస్తరించుకున్నారు. హాలీవుడ్ సినిమాల్లోనూ కనిపించి అక్కడి ప్రేక్షకులనూ తమ నటనతో మెప్పించారు. ఇంతకీ వారెవరంటే..
కోలీవుడ్ స్టార్ హీరో ధనుష్.. ఇప్పటికే 'ది ఎక్స్ట్రార్డినరీ జర్నీ ఆఫ్ ది ఫకీర్' సినిమాలో నటించగా.. ప్రస్తుతం 'ది గ్రే మ్యాన్' సినిమాలో ఓ కీలకపాత్ర పోషిస్తున్నారు.
ప్రియాంకా చోప్రా.. 'బే వాచ్', 'ఏ కిడ్ లైక్ జేక్', 'ఈజ్ నాట్ రొమాంటిక్', 'ది స్కై ఈజ్ పింక్' ఇలా పలు సినిమాల్లో నటించింది. త్వరలోనే 'మ్యాట్రిక్స్', 'టెక్ట్స్ ఫర్ యు' సినిమాతో ప్రేక్షకుల ముందుకు రానున్నారు ప్రియాంక.
పంకజ్ త్రిపాఠి.. సామ్ హర్గ్రేవ్ దర్శకత్వంలో 'ఎక్స్ట్రాక్షన్' సినిమాలో నటించారు. ఇందులో మరో నటుడు రణ్దీప్ హూడా కూడా కనిపించారు. ఇందులో క్రిస్ హెమ్స్వర్త్ ప్రధాన పాత్ర పోషించారు.
ఐశ్వర్యరాయ్ 'ది బ్రైడ్ అండ్ ప్రిజుడీస్', 'పింక్ పాంథర్ 2', 'ది మిస్ట్రెస్ ఆఫ్ స్పీసెస్' ఇంకా పలు చిత్రాల్లో నటించగా.. దీపికా పదుకొణె.. 'ఎక్స్ఎక్స్ఎక్స్: ది రిటర్న్ ఆప్ క్సాండర్ కేజ్'తో అలరించారు.