బాలీవుడ్ నటులు తెరపై ఎలా పోటీపడతారో కానీ తెర వెనక మాత్రం అందరూ ఐకమత్యంతో ఉంటారు. అలాగే ఆస్తుల విషయంలోనూ వీరి మధ్య పోటీ హుందాగానే ఉంటుంది. ముంబయిలో ఇళ్లు, స్థలాలతో పాటు విదేశాల్లోనూ కొందరు ప్రాపర్టీని కొనుగోలు చేశారు. షారుక్ ఖాన్, శిల్పాశెట్టి, సోనమ్ కపూర్, కాజోల్లకు లండన్లో గృహాలు ఉన్నాయి. ఇందులో షారుక్, కాజోల్ ఇళ్లు పక్కపక్కనే ఉంటాయి. ఈ నేపథ్యంలో లండన్లో ఇల్లు కొనుగోలు చేసిన స్టార్ నటులు ఎవరో తెలుసుకుందాం.
షారుక్ ఖాన్
విదేశాల్లో బాలీవుడ్ బాద్షా షారుక్ ఖాన్కు చాలా ఆస్తులే ఉన్నాయి. దుబాయ్, యూకేలాంటి నగరాల్లో ప్రాపర్టీని కొనుగోలు చేశారు షారుక్. లండన్లోని పార్క్ లేన్లో ఆయనకు ఇల్లు ఉంది. దీని గురించి ఎక్కువ విషయాలు తెలియకపోయినా.. షారుక్ తనయుడు ఆర్యన్, కూతురు సుహానా ఖాన్ ఇక్కడి నుంచి పాఠశాల విద్యాభ్యాసం పూర్తి చేసినట్లు సమాచారం.
సోనమ్ కపూర్, ఆనంద్ అహుజా
లండన్లోని నాటింగ్ హిల్ ఏరియాలో బాలీవుడ్ స్టార్ కపుల్ సోనమ్ కపూర్, ఆనంద్ అహుజాలకు అపార్ట్మెంట్ ఉంది. చాలా కాలంగా వీరిద్దరూ అక్కడే గడుపుతున్నారు. వీరి ఇంటికి సంబంధించిన చాలా పోస్టులు, వీడియోలను సోనమ్ సామాజిక మాధ్యమాల్లో పోస్ట్ చేస్తూ ఉంటుంది.
శిల్పా శెట్టి, రాజ్ కుంద్రా
బాలీవుడ్ బ్యూటీ, ఫిట్నెస్ ఫ్రీక్ శిల్పా శెట్టి దంపతులకు లండన్లో విలాసవంతమైన ఇల్లు ఉంది. సర్రేలోని వేబ్రిడ్జ్లో ఉన్న ఈ ఇంటిని రాజ్ మహల్గా పిలుస్తారు. ఈ ఏరియాలోనే ప్రముఖ సెలబ్రిటీస్ క్లిఫ్ రిచర్డ్, ఎల్టాన్ జాన్ వంటి వారు ఉంటున్నారు. దీనితో పాటు లండన్లో జన్మించిన రాజ్ కుంద్రా శిల్పా కోసం 7 కోట్లతో సెంట్రల్ లండన్లో ఓ ఇంటిని కొనుగోలు చేశారు.
కాజోల్, అజయ్ దేవ్గణ్
లండన్లోని ప్రముఖ ప్రాంతంలో రూ.54 కోట్లతో బాలీవుడ్ స్టార్ కపుల్ అజయ్ దేవ్గణ్, కాజోల్ జోడీ ఓ ఇంటిని కొనుగోలు చేసినట్లు తెలుస్తోంది. లండన్ పార్క్ లేన్లోని షారుక్ ఇంటి పక్కనే ఈ ప్రాపర్టీ ఉంటుందట.
