హీరోయిన్ తాప్సీ, దర్శకుడు అనురాగ్​లపై ఐటీ దాడులు

12:51 March 03

ముంబయిలోని సినీ ప్రముఖులపై ఆదాయపన్ను శాఖ అధికారులు రైడ్ చేశారు. ఇందులో భాగంగా బాలీవుడ్​ హీరోయిన్ తాప్సీ, దర్శకుడు అనురాగ్ కశ్యప్, నిర్మాతలు మధు మంతెన, వికాస్ భల్​, రిలయన్స్​ ఎంటర్​టైన్​మెంట్​ సీఈఓ సిభాషిస్​ సర్కార్​కు చెందిన ఇళ్లు, కార్యాలయాల్లో సోదాలు నిర్వహించారు. ఈ విషయాన్ని ఓ ఆదాయపన్ను శాఖాధికారి తెలిపారు.  

2018లో పన్ను ఎగవేసిన ఫాంటమ్ ఫిల్మ్స్​తో​ పాటు దానితో సంబంధమున్న వారి ఇళ్లలో అధికారులు సోదాలు నిర్వహించినట్లు వెల్లడించారు. వీరి ఖాతాల నుంచి కొన్ని అనుమానాస్పద ఆర్థిక బదిలీలు జరిగాయన్న అనుమానంతో పాటు ఈ కేసులో భాగంగా మరిన్ని సాక్ష్యాలు సేకరించేందుకు ఈ సోదాలు నిర్వహించినట్లు ఆయన పేర్కొన్నారు.  

ఫాంటమ్ ఫిల్మ్స్.. నిర్మాణ, సినిమాల పంపిణీ సంస్థ. అనురాగ్ కశ్యప్, దర్శకుడు విక్రమాదిత్య మోత్వాని, నిర్మాత మధు మంతెన, వికాస్ భల్ కలిసి 2011లో దీనిని స్థాపించారు. అయితే 2018లో వికాస్​పై అత్యాచార ఆరోపణలు రావడం వల్ల సదరు సంస్థను మూసివేశారు.