అవును..నేను ప్రేమలో ఉన్నా: అడివి శేష్​

యంగ్​ హీరో అడివి శేష్​(Adivi Sesh) ఓ బాలీవుడ్​ హీరోయిన్​తో ప్రేమలో ఉన్నాడని ఇటీవలే ప్రచారం జరిగింది. ఈ రూమర్లపై ఓ ఇంటర్వ్యూలో స్పందించిన అడివి శేష్​.. తాను ఓ అమ్మాయిని ప్రేమిస్తున్నట్లు చెప్పాడు. తన ప్రేయసి హైదరాబాద్​కు చెందిన అమ్మాయని చెబుతూనే.. ఆమె పేరు చెప్పేందుకు నిరాకరించాడు.

యువ కథానాయకుడు అడివి శేష్​(Adivi Sesh).. ఓ బాలీవుడ్​ హీరోయిన్​తో ప్రేమలో ఉన్నట్లు ఇటీవలే కొన్ని వార్తలు వచ్చాయి. అయితే వీటిపై ఓ ఆంగ్లపత్రికకు ఇచ్చిన ఇంటర్వ్యూలో స్పందించిన శేష్​.. నిజంగానే తాను ఓ అమ్మాయిని ప్రేమిస్తున్నట్లు కుండబద్ధలు కొట్టాడు. అయితే ప్రస్తుతం తామిద్దరూ పెళ్లి చేసుకునేందుకు సిద్ధంగా లేమని స్పష్టం చేశాడు. వరుస చిత్రాల్లో నటిస్తున్న నేపథ్యంలో నిద్రపోయేందుకు కూడా సమయం దొరకడం లేదని చెప్పాడు.

అయితే అడివి శేష్​ ప్రేమించే అమ్మాయి పేరు చెప్పేందుకు నిరాకరించాడు. కానీ, తాను ప్రేమించిన అమ్మాయిది హైదరాబాద్​ అని మాత్రం చెప్పాడు. ఇక అంతకుమించి తన ప్రేమ వ్యవహరాన్ని బయటపెట్టలేనని అన్నాడు.

అడివి శేష్​.. ప్రస్తుతం 'మేజర్​'(Major) అనే పాన్​ఇండియా చిత్రంలో నటిస్తున్నాడు. ముంబయి ఉగ్రదాడిలో అమరుడైన మేజర్​ సందీప్​ ఉన్నికృష్ణన్​(Sandeep Unnikrishnan) జీవితాధారంగా రూపొందుతోన్న చిత్రమిది. ఈ సినిమాతో పాటు హీరో నాని నిర్మాణంలో తెరకెక్కుతోన్న 'హిట్​ 2'(HIT 2) చిత్రీకరణలో బిజీగా ఉన్నాడు.

ఇదీ చూడండి:మహేశ్​-త్రివిక్రమ్​ సినిమాలో 'వకీల్​సాబ్​' భామ!