అసత్య వార్తలకు తాను బాధితులరాలినేనని హీరోయిన్ ఇలియానా చెప్పింది. గర్భవతి అని, అబార్షన్ చేయించుకున్నానని గతంలో తనపై వదంతులు వచ్చాయని వెల్లడించింది. ఇటీవల కాలంలో చనిపోయానంటూ కూడా వార్తలు వచ్చాయని ఈ నటి వెల్లడించింది.
ఆత్మహత్య చేసుకున్నానని అన్నారు: ఇలియానా
తనపై వచ్చిన ఫేక్ న్యూస్ గురించి మాట్లాడింది నటి ఇలియానా. సూసైడ్ చేసుకుని చనిపోయాననే వార్తలు రాశారని చెప్పారు.
ఇలియానా
"ఫేక్ న్యూస్లు చాలానే వస్తున్నాయి. నేను గర్భవతి అని, కొన్నాళ్లకు అబార్షన్ జరిగిందని వార్తలు వచ్చాయి. ఇది నిజంగా బాధాకరం. అలానే నేను ఆత్మహత్య చేసుకునేందుకు ప్రయత్నించానని, ఆ విషయాన్ని నా పనిమనిషి చెప్పిందని కూడా న్యూస్ వచ్చింది. ఇంతవరకు నాకు పనిమనిషే లేదు. ఇలాంటి అబద్ధాలను అసలు వార్తలుగా ఎలా రాస్తున్నారు?" అని ఇలియానా ఆవేదన వ్యక్తం చేసింది.
తెలుగు సినిమా 'దేవదాసు'తో హీరోయిన్గా పరిచయమైన ఇలియానా.. ఆ తర్వాత పోకిరి, కిక్ తదితర సినిమాలతో గుర్తింపు తెచ్చుకుంది. హిందీలోనూ కథానాయికగా పలు చిత్రాలు చేసింది. అభిషేక్ బచ్చన్ 'ద బిగ్బుల్' సినిమాతో ఇటీవల ప్రేక్షకుల ముందుకొచ్చింది.