లాక్​డౌన్​ సమయంలో చిన్న కథ చెప్పిన మోహన్​బాబు

లాక్​డౌన్​ ఉన్న ఈ సమయంలో ప్రజలు బయట తిరగడాన్ని తీవ్రంగా తప్పుబట్టాడు సినీనటుడు మోహన్​బాబు. పెద్దల మాట వినకపోతే ప్రమాదం తప్పదని చెబుతూ, అందుకు సంబంధించి ఓ కథను చెప్పుకొచ్చాడు.

కరోనా కట్టడిలో భాగంగా భారత ప్రధాని మోదీ, 21 రోజులు లాక్​డౌన్​ విధిస్తున్నట్లు ఇటీవలే చెప్పారు. అయినప్పటికీ ప్రజలు బయట తిరుగుతుండటాన్ని సీనియర్​ నటుడు మోహన్​బాబు తప్పుబట్టాడు. పెద్దల మాటలను గౌరవించకపోతే పెను ప్రమాదం తప్పదని హెచ్చరించాడు. మోదీ లాంటి పెద్దల మాటలను ప్రతిఒక్కరూ గౌరవించాలని విజ్ఞప్తి చేశాడు.

వాలీ సుగ్రీవుడు, సీత కథలే నిదర్శనం

ఈ సందర్భంగా ప్రకృతిని, పెద్దల మాటలను విస్మరిస్తే ఎలాంటి వినాశనం జరిగిందో చాలా సంఘటనలు నిదర్శనంగా నిలిచాయని చెప్పాడు మోహన్​బాబు. ఇందుకోసం వాలీ-సుగ్రీవుడు, సీత కథలను గుర్తుచేస్తూ అవగాహన కల్పించాడు. త్వరలోనే కరోనా నుంచి బయటపడేలా భగవంతున్ని ప్రార్థించాలని ప్రజలను కోరాడు.

ఇదీ చదవండి:కరోనాపై మెగాస్టార్ చిరంజీవి​-నాగార్జున పాట