"ఆ సీన్లో న‌టించేందుకు కాస్త ఇబ్బందిగా అనిపించింది.. క‌థ డిమాండ్ మేర‌కు న‌టించాల్సి వ‌చ్చింది" అనే మాట‌లు చిత్ర ప‌రిశ్ర‌మ‌లో వినిపిస్తూనే ఉంటాయి. అగ్ర క‌థానాయ‌కుడు ప్రభాస్(Prabhas)కు ఇలాంటి సంఘ‌ట‌నే ఎదురైంది. ఓ ఇంటర్వ్యూలో.. మీరు ఏ సన్నివేశం కోసం బాగా క‌ష్ట‌ప‌డ్డారు? అనే ప్ర‌శ్నకి ప్రభాస్ ఇలా స‌మాధానం ఇచ్చారు.
"చ‌క్రం'(Chakram)లోని ఓ సీన్ కోసం చాలా క‌ష్ట‌ప‌డ్డా. సినిమాల్లోకి రాక‌ముందు నాకు గే సంస్కృతి గురించి అసలు తెలియదు. క‌థానాయ‌కులు అమ్మాయిల్లా నటించ‌డమూ నాకు న‌చ్చేది కాదు. కానీ, 'చ‌క్రం'లో అలాంటి సన్నివేశం ఒక‌టి చేయాల్సి వ‌చ్చింది. ద‌ర్శ‌కుడు కృష్ణ‌వంశీ గురించి తెలిసిందే క‌దా. ఆయ‌న చాలా కచ్చితంగా వ్యవహరిస్తారు. దాంతో చేయ‌క త‌ప్ప‌లేదు. ఆ స‌న్నివేశంలో న‌టించేట‌ప్పుడు చెమ‌ట్లొచ్చేసేవి."