నటి నుంచి నిర్మాతగా మారిన ఛార్మి(charmi kaur movie list).. రౌడీ హీరో విజయ్ దేవరకొండతో 'లైగర్' సినిమా రూపొందిస్తోంది. పూరీ జగన్నాథ్ కలిసి సంయుక్తంగా నిర్మిస్తోంది. చివరగా 'జ్యోతిలక్ష్మి'లో కనిపించిన ఈమె(charmi kaur wedding).. అప్పటినుంచి నటనకు దూరమైంది. మళ్లీ సినిమాల్లో నటిస్తారా అనే ప్రశ్నకు ఆసక్తికర సమాధానమిచ్చిందీ భామ.
"నిర్మాతగా ప్రస్తుతం బిజీగా ఉన్నాను. నేను నటి అనే విషయాన్ని దాదాపు మర్చిపోయాను. కానీ ఇండస్ట్రీ మాత్రం గుర్తుపెట్టుకుంది. అప్పుడప్పుడూ నాకు యాక్టింగ్ ఛాన్స్లు వస్తూనే ఉన్నాయి. కానీ వాటిపై నాకు అంతగా ఆసక్తిలేదు. భవిష్యత్తులో నటించకపోవచ్చు" అని ఛార్మి(charmi kaur age) చెప్పింది.