'ధఢక్‌' చిత్రంతో సినీ రంగప్రవేశం చేసింది నటి జాన్వీ కపూర్. దివంగత నటి శ్రీదేవి కూతురిగా పరిచయమైన ఈ భామంటే అందరికీ అభిమానమే. తాజాగా ఓ పత్రికకు ఇచ్చిన ఇంటర్వ్యూలో తన అమ్మ గురించి ప్రస్తావించింది.
"సినిమా వారసులకు వెండితెర ప్రవేశం అందరి కంటే చాలా సులువుగానే జరగవచ్చు. కానీ ఆ తర్వాత మనం మనల్ని నిరూపించుకోవాల్సిన అవసరం ఎంతో ఉంటుంది. లేదంటే ఇంటిబాట పట్టాల్సిందే. కొంత మంది నన్ను అడుగుతున్నట్టు అమ్మలా నటించడం నాకు సాధ్యమయ్యే పనికాదు. ఆమెలా నటించాలంటే నాకు ఈ జన్మ సరిపోదు. నా చిత్రాల్లో నాలా మాత్రమే నటిస్తాను. ఆమెలా ఎప్పటికీ నటించలేను. అమ్మ చేసిన కొన్ని చిత్రాలను, రీమేక్, రీమిక్స్‌ చేయడం అంటే సాహసమే. వాటిని మళ్లీ తీయకపోవడమే ఉత్తమం."