పవన్‌కల్యాణ్‌ ప్రధాన పాత్రలో నటించిన 'వకీల్సాబ్' చిత్రానికి ప్రపంచవ్యాప్తంగా భారీ డిమాండ్ నెలకొంది. దాదాపు మూడేళ్ల విరామం తర్వాత ఆయన నటించిన చిత్రమిదే కావడం వల్ల 'వకీల్సాబ్'ను వీక్షించేందుకు సినీ ప్రియులు ఎంతో ఆసక్తి కనబరుస్తున్నారు.
యూఎస్లో 'వకీల్సాబ్'కు భారీ డిమాండ్
పవన్ కల్యాణ్ హీరోగా వేణు శ్రీరామ్ దర్శకత్వంలో తెరకెక్కిన చిత్రం 'వకీల్సాబ్'. కొంతకాలం తర్వాత మళ్లీ సినిమాల్లోకి వచ్చిన పవన్ ఈ చిత్రంతో బాక్సాఫీస్ ముందు సందడి చేయనున్నారు. దీంతో ఈ మూవీకి భారీ డిమాండ్ లభిస్తోంది.
వకీల్సాబ్
భారతదేశంలోనే కాకుండా విదేశాల్లోనూ ఈ చిత్రానికి ఫుల్‌ డిమాండ్ లభిస్తోంది. కేవలం అమెరికాలోనే 265పైగా లొకేషన్స్‌లో ఈ మూవీని విడుదల చేయనున్నట్లు చిత్రనిర్మాణ సంస్థ శ్రీ వేంకటేశ్వర క్రియేషన్స్‌ ప్రకటించింది. ఆ దేశంలో ఏప్రిల్‌ 8న ఈ సినిమా విడుదల కానుంది. అలాగే ఆస్ట్రేలియా, న్యూజిలాండ్‌లోని చాలా ప్రాంతాల్లో ఏప్రిల్‌ 9న 'వకీల్సాబ్' ప్రదర్శన జరగనుంది.
బాలీవుడ్‌లో తెరకెక్కిన 'పింక్‌' రీమేక్‌గా 'వకీల్సాబ్' రూపుదిద్దుకుంది. వేణు శ్రీరామ్ దర్శకుడు. బోనీకపూర్‌ సమర్పణలో దిల్‌రాజు ఈ చిత్రాన్ని నిర్మించారు. అంజలి, నివేదా థామస్‌, అనన్య కీలకపాత్రలు పోషించారు. పవన్‌కు జోడీగా శ్రుతిహాసన్‌ కనిపించనున్నారు. తమన్‌ స్వరాలు అందించారు.