హృతిక్ రోషన్, టైగర్ ష్రాఫ్ నటిస్తోన్న మల్టీస్టారర్ చిత్రం 'వార్'. దసరా కానుకగా అక్టోబర్ 2న ఈ సినిమా విడుదల కానుంది. తెలుగు ప్రేక్షకులనూ అలరించేందుకు సిద్ధమౌతోన్న ఈ చిత్రం నుంచి ఓ రొమాంటిక్ సాంగ్ను బుధవారం విడుదల చేసింది చిత్రబృందం. 'గుండెలో తూట్లు పడే' అనే టైటిల్తో సాగుతున్న పాటలో వాణీకపూర్ ఫుల్ గ్లామరస్గా కనిపించింది.
హృతిక్, టైగర్ మధ్య వచ్చే భారీ పోరాట సన్నివేశాలు, ఉత్కంఠ రేకెత్తించే కార్‌ ఛేజింగ్ల కోసం దాదాపు 100 కోట్లు ఖర్చుచేసినట్లు సమాచారం. బ్యాంగ్‌ బ్యాంగ్‌ సినిమా ఫేమ్ సిద్ధార్థ్‌ ఆనంద్‌ ఈ సినిమాకు దర్శకుడు. ప్రముఖ నిర్మాణ సంస్థ యష్‌రాజ్‌ ఫిలింస్‌ నిర్మిస్తోంది. హిందీ సహా తెలుగు, తమిళ భాషల్లో ప్రేక్షకుల ముందుకు రానుందీ సినిమా.