కుమారులతో హృతిక్.. మాజీ భార్య వీడియో​

బాలీవుడ్ హీరో హృతిక్ రోషన్.. కుమారులతో కలిసి సరదాగా గడుపుతున్నాడు. ఇందుకు సంబంధించిన ఓ వీడియోను​ అతడి మాజీ భార్య సుస్సానే పోస్ట్ చేసింది.

నిత్యం షూటింగ్​లతో బిజీగా ఉండే బాలీవుడ్​ స్టార్ హీరో​ హృతిక్​ రోషన్.. లాక్​డౌన్​ వల్ల ప్రస్తుతం ఇంట్లోనే ఉంటున్నాడు. తన మాజీ భార్య సుస్సానే, ఇద్దరు కుమారులు ఇతడితో కలిసే ఉంటున్నారు. తాజాగా ఆ చిన్నారులతో కలిసి బాల్కనీలో హృతిక్ ముచ్చటిస్తున్న ఓ వీడియోను సుస్సానే ఇన్​స్టాలో పంచుకుంది.

"ప్రస్తుత ప్రపంచంలో ఓ దృశ్యాన్ని తదేకంగా చూస్తూ ఆస్వాదించడానికి మనకు సమయం లేదు. కనుక జాగ్రత్తగా ఉండండి. ఏమిటి ఈ జీవితం? కనీసం ఎక్కడికి పరుగెడుతున్నామో తెలీదు. " అంటూ రాసుకొచ్చింది సుస్సానే.

2014లో విడాకులు తీసుకున్న హృతిక్​ , సుస్సానే.. లాక్​డౌన్ వల్ల పిల్లల కోసం మళ్లీ ఒక చోటుకు చేరారు. అంతకుముందు మాట్లాడుతూ.. తన భార్య, పిల్లల్ని మరోసారి కలుసుకోవడం చాలా ఆనందంగా ఉందని ఇన్​స్టాలో రాసుకొచ్చాడు హృతిక్​.

ఇదీ చూడండి : మళ్లీ హృతిక్ రోషన్ దగ్గరకొచ్చిన అతడి మాజీ భార్య​