'గ్లాడియేటర్' సినిమాతో గుర్తింపు పొందిన హాలీవుడ్ ప్రముఖ నిర్మాత బ్రాంకో లుస్టిక్ గురువారం తుదిశ్వాస విడిచారు. 1932లో పుట్టిన ఈయన.. 'ష్లిండర్స్ లిస్ట్' చిత్రంతో నిర్మాతగానే కాకుండా నటుడిగానూ నిరూపించుకున్నారు. బ్రాంకో మృతిపై హాలీవుడ్‌లోని పలువురు ప్రముఖులు సామాజిక మాధ్యమాల వేదికగా నివాళులు అర్పించారు.
బ్రాంకో చిన్న వయసులో రెండో ప్రపంచ యుద్ధం జరిగింది. ఆ సమయంలో బెర్గన్‌ బెల్సెన్‌ నిర్బంధ శిబిరాల్లో రెండు సంవత్సరాలు ఖైదీగా గడిపారు. ఆ అనుభవంతోనే 'ష్లిండర్స్ లిస్ట్' నిర్మించారు. మిమి లెడర్‌ దర్శకత్వంలో వచ్చిన 'ది పీస్‌మేకర్‌'కు నిర్మాతగా వ్యవరించారు.