హృతిక్ రోషన్-టైగర్ష్రాఫ్ హీరోలుగా నటిస్తున్న యాక్షన్ ఎంటర్టైనర్ 'వార్'. వాణీ కపూర్ హీరోయిన్. ఇప్పటికే విడుదలైన టీజర్ ప్రేక్షకులను అలరిస్తోంది. ఇప్పుడు అభిమానులకు ఆసక్తి రేపే మరో అంశాన్ని చిత్రబృందం వెల్లడించింది. ఈ సినిమాకు ప్రఖ్యాత హాలీవుడ్ యాక్షన్ కొరియోగ్రాఫర్లు పనిచేయనున్నారు. అక్టోబరు 2న చిత్రం ప్రేక్షకుల ముందుకు రానుంది.
పాల్ జెన్నింగ్స్, ఫ్రాంజ్ స్పిల్హాస్, సీ యంగ్ హో హాలీవుడ్కు చెందిన వారు. వీరితో పాటే బాలీవుడ్ ప్రముఖ యాక్షన్ కొరియోగ్రాఫర్ పర్వేజ్ షేక్ ఈ సినిమాకు పనిచేస్తున్నారు.
"ప్రపంచ ప్రఖ్యాతి గాంచిన యాక్షన్ కొరియోగ్రాఫర్స్ను ఈ చిత్రం కోసం తీసుకున్నాం. విభిన్న పద్దతుల్లో ఫైట్స్ తెరకెక్కించడంలో వీరు సిద్దహస్తులు. ఇంతకు ముందు ఎప్పుడూ చూడనటువంటి యాక్షన్ సీక్వెన్స్.. రానున్న సినిమాలో ప్రేక్షకులు చూస్తారు." -సిద్దార్థ్ ఆనంద్, దర్శకుడు