'బాహుబలి', 'సాహో' సినిమాతో పాన్‌ ఇండియా స్టార్‌గా మారిపోయాడు డార్లింగ్ ప్రభాస్. ప్రస్తుతం 'జాన్‌' చిత్రంలో నటిస్తున్నాడు. ఇటీవలే జార్జియా షెడ్యూల్ పూర్తి చేసుకుంది. దీని తర్వాత దర్శకుడు నాగ్ అశ్విన్తో కలిసి పనిచేయనున్నాడు.
ప్రభాస్ కొత్త సినిమా గ్రాఫిక్స్కు భారీ బడ్జెట్!
డార్లింగ్ ప్రభాస్, త్వరలో నాగ్ అశ్విన్ దర్శకత్వంలో నటించనున్నాడు. సైన్స్ ఫిక్షన్ కథతో ఈ చిత్రాన్ని రూపొందిస్తున్నారు. అయితే ఇందులోని గ్రాఫిక్స్ కోసం భారీగా ఖర్చుపెడుతున్నారని సమాచారం.
ప్రభాస్
సైన్స్ ఫిక్షన్ కథతో తీయబోయే ఈ చిత్రాన్ని భారీ బడ్జెట్‌తో ప్రతిష్ఠాత్మకంగా వైజయంతీ మూవీస్‌ సంస్థ నిర్మిస్తోంది. ఇప్పటికే ప్రీ ప్రొడక్షన్‌ పనులు ప్రారంభమయ్యాయి. ఈ ఏడాది చివరలో షూటింగ్ మొదలు కానుంది. తాజాగా ఈ ప్రాజెక్టుకు సంబంధించిన ఓ వార్త ఆసక్తి కలిగిస్తోంది. ఈ కథలో ఎంతో ప్రాధాన్యమున్న గ్రాఫిక్స్ కోసమే దాదాపు రూ.50కోట్లకు పైగా బడ్జెట్‌ను కేటాయించారట.
ఈ సినిమాలో ప్రభాస్ సరికొత్తగా కనిపించనున్నాడని తెలుస్తోంది. మరి వీటిలో నిజాలు తెలియాలంటే కొంతకాలం వేచి చూడక తప్పదు.