ఈ సంక్రాంతికి కుర్రాళ్లును ఆకట్టుకునేందుకు వస్తోంది... మాళవిక శర్మ. నవతరం అమ్మాయిలకు ప్రతినిధిలా కనిపించే ఈ ముద్దుగుమ్మ రామ్‌తో కలిసి 'రెడ్'లో నటించింది. కిశోర్‌ తిరుమల దర్శకత్వం వహించిన ఈ చిత్రం సంక్రాంతి కానుకగా ఈ నెల 14న ప్రేక్షకుల ముందుకొస్తోంది. ఈ సందర్భంగా హైదరాబాద్‌లో విలేకర్లతో కథానాయిక మాళవిక బుధవారం ముచ్చటించింది.
ఇ'లా'.. అవకాశం
"ఏడాదిన్నర విరామం తర్వాత నేను చేసిన మరో తెలుగు సినిమా 'రెడ్'. ఈ సినిమా ప్రయాణం ఓ కొత్త అనుభవాన్ని, అనుభూతిని పంచింది. 'నేల టికెట్‌' తర్వాత నేను హైదరాబాద్‌లోనే లా చదువుకుంటున్నా. ఆ సమయంలో స్రవంతి రవికిశోర్‌, దర్శకుడు కిశోర్‌ తిరుమల ఫ్రెష్‌ ఫేస్‌ అమ్మాయి కోసం వెదుకుతున్నారు. అలా ఆడిషన్‌ తర్వాత 'రెడ్'లో నటించే అవకాశం నన్ను వరించింది.
రామ్‌ ప్రత్యేకత అదే