కరోనా వైరస్ బారిన పడిన వారు భయాన్ని వీడాలని సూచించాడు తమిళ కథానాయకుడు విశాల్. ఇటీవలే తన తండ్రితో పాటు, తాను, మేనేజర్ కరోనా బారిన పడి.. మూడు వారాల్లోనే కోలుకున్నట్లు స్పష్టం చేశాడు. ఈ మహమ్మారి చికిత్సలో ఆయుర్వేదిక్, హోమియోపతి మందులు బాగా పనిచేశాయని పేర్కొన్నారు. ఈ మేరకు ట్విట్టర్ వేదికగా ఓ వీడియోను పంచుకున్నాడు.
'ధైర్యంగా ఉంటేనే కరోనాను ఎదుర్కోగలం'
దేశవ్యాప్తంగా కరోనా విజృంభిస్తున్న వేళ ప్రజల్లో ధైర్యం నింపే ప్రయత్నం చేశాడు తమిళ హీరో విశాల్. భయాన్ని వీడినప్పుడే మహమ్మారిని జయించవచ్చని పేర్కొన్నాడు.
విశాల్
తాను ఏ మెడిసిన్ కోసం ప్రచారం చేయడం లేదని చెప్పిన విశాల్.. ఎలా కోలుకున్నామో చెప్పడానికి ఆయుర్వేదిక్, హోమియోపతి మందుల పేర్లను సామాజిక మాధ్యమాల్లో చెప్పినట్లు వెల్లడించాడు. ధైర్యంగా ఉంటే కరోనాను ఎదర్కోగలమని విశాల్ తెలిపాడు. సామాజిక బాధ్యతగానే ఈ వీడియోను పోస్ట్ చేస్తన్నట్లు స్పష్టం చేశాడు.