విజయ్​ దేవరకొండతో ఉన్న ఆ పిల్లాడు ఎవరు?

కథానాయకుడు విజయ్ దేవరకొండ చేసిన ట్వీట్​.. అభిమానుల్ని అయోమయంలో పడేసింది. ఆ ఫారిన్ పిల్లాడ్ ఎవరా? అంటూ గుసగుసలాడుకుంటున్నారు.

టాలీవుడ్ యువహీరో విజయ్ దేవరకొండ.. ఓ విదేశీ చిన్నారితో ఫొటో దిగి సోషల్ మీడియాలో పోస్ట్ చేశారు. దీంతో ఆ పిల్లాడు ఎవరా అని నెటిజన్లు తెగ చర్చించుకుంటున్నారు. బుల్లి దేవరకొండ అంటూ ఛలోక్తులు కూడా విసురుతున్నారు.

ప్రస్తుతం విజయ్.. దర్శకుడు పూరీ జగన్నాథ్​ తీస్తున్న 'ఫైటర్'(వర్కింగ్ టైటిల్)లో నటిస్తున్నారు. అనన్య పాండే హీరోయిన్. పూరీ-ఛార్మీ సంయుక్తంగా నిర్మిస్తున్నారు. పాన్ ఇండియా కథతో తెరకెక్కుతున్న ఈ చిత్ర షూటింగ్ ఇప్పటికే చాలా భాగం షూటింగ్ పూర్తి చేసుకుంది. కరోనా ప్రభావంతో నిలిచిపోయింది. త్వరలో దానిని తిరిగి ప్రారంభించే అవకాశముంది.