శింబు గొప్ప మనసు.. కానుకలతో సిబ్బందికి సర్​ప్రైజ్​

తన సినిమాలో పని చేసిన సిబ్బందిని ఆశ్చర్యంలో ముంచెత్తాడు తమిళ హీరో శింబు. దీపావళి కానుకగా అందరికీ.. బంగారు నాణెం, కొత్తబట్టలు అందజేశాడు.

తమిళ హీరో శింబు తన కొత్త సినిమా 'ఈశ్వరన్' సిబ్బందికి పెద్ద సర్​ప్రైజ్​ ఇచ్చాడు. దీపావళి బహుమతి కింద ఈ సినిమాలో పనిచేసిన వారందరికీ ఒక గ్రాము బంగారు నాణెం, కొత్త బట్టలను బహుమతిగా అందించాడు. అయితే.. కోలీవుడ్​లో ఈ సంప్రదాయం.. ప్రముఖ నటుడు శివాజీ గణేశన్​తో ప్రారంభమైంది. ఆ తర్వాత రజినీకాంత్, విజయ్​ వంటి హీరోలు కొనసాగిస్తూ వచ్చారు. తాజాగా శింబు.. వాళ్ల సరసన చేరిపోయాడు. ​

ఈశ్వరుడు పోస్టర్​

ఈశ్వరన్​ చిత్రంలో నటించిన 200 మంది జూనియర్​ ఆర్టిస్ట్​లకు కూడా శింబు కొత్త బట్టలు అందజేసి, సంతోషంలో ముంచెత్తాడు. షూటింగ్​ చివరి రోజు ఈ కానుకలను వారికి పంపిణీ చేశాడు. గ్రామీణ నేపథ్యంలో తెరకెక్కుతున్న ఈశ్వరన్ సినిమాను​ తెలుగు, తమిళ భాషల్లో రూపొందిస్తున్నారు. రానున్న సంక్రాంతికి ప్రేక్షకుల ముందుకు తెచ్చేందుకు సన్నాహాలు చేస్తున్నారు. తెలుగులో ఈశ్వరుడు పేరుతో విడుదల కానుంది.

ఇదీ చూడండి:మూడేళ్ల తర్వాత హీరో శింబు ఎంట్రీ