హీరో సాయిధరమ్‌ తేజ్‌కు రోడ్డు ప్రమాదం

01:18 September 11

కేసు నమోదు చేసిన రాయదుర్గం పోలీసులు

ఈ ప్రమాదంపై రాయదుర్గం పోలీసులు కేసు నమోదు చేశారు. 

01:06 September 11

24 గంటల పాటు వైద్యుల పర్యవేక్షణలో..

సాయిధరమ్​ తేజ్​ ఆరోగ్యస్థితిపై అపోలో వైద్యులు వివరాలు వెల్లడించారు. ప్రస్తుతం తేజ్​ ఆరోగ్యం నిలకడగా ఉందన్న వైద్యులు.. అతడిని 24 గంటల పాటు పర్యవేక్షిస్తామని తెలిపారు. కాలర్​ బోన్​ వద్ద గాయం మినహా అంతర్గత గాయాలు ఏవీ కాలేదని వైద్యులు స్పష్టం చేశారు. ప్రస్తుతం తేజ్​కు వెంటిలేటర్​పై చికిత్స అందిస్తున్నామన్నారు. 

01:01 September 11

'ఆరోగ్యం నిలకడగానే ఉంది'

సాయిధరమ్​ తేజ్​ ఆరోగ్యం నిలకడగానే ఉందని.. ఎలాంటి ప్రమాదం లేదని అల్లు అరవింద్ వెల్లడించారు. వైద్యులు చికిత్స అందిస్తున్నారని స్పష్టం చేశారు.

21:45 September 10

తీవ్రగాయాలు, ఆస్పత్రికి తరలింపు

సాయిధరమ్ తేజ్

మెగాహీరో సాయిధరమ్ తేజ్​కు యాక్సిడెంట్ జరిగింది. హైదరాబాద్​లోని కేబుల్ బ్రిడ్జి మీద స్పోర్ట్స్​ బైక్​పై వెళ్తున్న క్రమంలో జారిపడటం వల్ల అతడికి కన్ను, ఛాతి, పొట్ట భాగంలో తీవ్రగాయాలయ్యాయి. దీంతో సమీపంలోని మాదాపుర్ మెడికవర్ ఆస్పత్రిలో చేర్పించారు.  

ఐకియా కూడలి వద్ద స్పోర్ట్స్ బైక్​పై నుంచి సాయిధరమ్ తేజ్ కిందపడ్డారు. గచ్చిబౌలి నుంచి వస్తుండగా ఈ ఘటన జరిగింది. ఇతడు హీరోగా నటించిన 'రిపబ్లిక్' అక్టోబరు 1న థియేటర్లలో విడుదల కావాల్సి ఉంది.

ఆస్పత్రికి చిరంజీవి, పవన్​

సాయిధరమ్ తేజ్‌ కోలుకుంటున్నట్లు వైద్యులు తెలిపారు. ఆందోళన చెందవద్దని కుటుంబ సభ్యులకు చెప్పారు. మెడికవర్‌ ఆస్పత్రికి సాయిధరమ్‌ తేజ్‌ కుటుంబసభ్యులు చేరుకున్నారు. చిరంజీవి, పవన్‌కల్యాణ్‌, అల్లు అరవింద్‌ ఆస్పత్రికి చేరుకొని తేజ్​ ఆరోగ్య పరిస్థితిని అడిగి తెలుసుకున్నారు.

అపోలో ఆస్పత్రికి తరలింపు

సాయిధరమ్‌ తేజ్‌ను అపోలో ఆస్పత్రికి తరలించారు. మెరుగైన చికిత్స కోసం అపోలో ఆస్పత్రికి  తరలించినట్లు కుటుంబ సభ్యులు తెలిపారు. ఘటనాస్థలంలో ఇసుక ఉండడంతో బైక్‌ స్కిడ్‌ అయినట్లు మాదాపూర్‌ ఏసీపీ చెప్పుకొచ్చారు.