రవితేజ టైటిల్‌లో గోపీచంద్ సినిమా ఏంటి అనుకుంటున్నారా? ప్రముఖ దర్శకుడు హరీశ్ శంకర్.. మాస్ మాహారాజా రవితేజతో ఓ సినిమా తీయాలని అప్పట్లో అనుకున్నాడు. 'సీటిమార్‌' అనే టైటిల్ ఖరారు చేశాడని అప్పట్లో వార్తలొచ్చాయి. కారణం ఏదైనా ఆ ప్రాజెక్టు పట్టాలెక్కలేదు. ఆ తర్వాత ఇతర హీరోలతో బిజీ అయిపోయాడు హరీశ్. ఇప్పుడదే టైటిల్ను గోపీచంద్ తీసుకోబోతున్నాడని టాలీవుడ్‌ టాక్‌.
రవితేజ టైటిల్తో గోపీచంద్ సినిమా! - గోపీచంద్-తమన్నా
హీరో రవితేజ సినిమాకు పెట్టాలనుకున్న ఓ టైటిల్ను గోపీచంద్ చిత్రం కోసం ఉపయోగించనున్నారట. ఈ విషయమై దర్శకుడు హరీశ్ శంకర్తో చిత్రబృందం చర్చలు జరుపుతోందట.
హీరో రవితేజ-హీరో గోపీచంద్
హీరో గోపీచంద్-దర్శకుడు సంపత్‌ నంది కాంబినేషన్లో ఇటీవలే ఓ చిత్రం ప్రారంభమైంది. క్రీడా నేపథ్య కథాంశంతో తీస్తున్నారు. ఈ సినిమాకే 'సీటిమార్‌' పేరు పెట్టబోతున్నట్లు సమాచారం. కథాపరంగా ఈ పేరైతే బావుంటుందనే ఆలోచనలో ఉందట చిత్రబృందం. ఈ విషయమై హరీశ్తో చర్చలు జరిపారని, దాదాపు ఖరారనే వినిపిస్తోంది. త్వరలోనే అధికారిక ప్రకటన రానుంది.
ఇది చదవండి: 'చాణక్య' షూటింగ్ చివరి రోజు హీరో గోపీచంద్కు ప్రమాదం