స్టార్ హీరో ప్రభాస్తో ప్రముఖ నిర్మాణ సంస్థ మైత్రీ మూవీ మేకర్స్ పాన్‌ ఇండియా సినిమాను నిర్మించబోతుందా? ఇందుకోసం డార్లింగ్కు ఇప్పటికే రూ.13 కోట్లు అడ్వాన్స్గా ఇచ్చిందా? అంటే అవుననే అంటున్నాయి చిత్రవర్గాలు.
ప్రభాస్తో ఓ సినిమా చేయాలన్న ఆలోచన.. మైత్రీ మూవీ మేకర్స్కు 'బాహుబలి' ముందు నుంచే ఉందట. అందుకే కొన్నేళ్ల క్రితమే అతడికి దాదాపు రూ.5 కోట్లు అడ్వాన్స్ ఇచ్చిందట. కానీ, అప్పటికే ప్రభాస్, యూవీ క్రియేషన్స్‌తో రెండు చిత్రాలు ఒప్పుకోవడం వల్ల ముందుగా ఆ నిర్మాణ సంస్థలోనే పని చేసేందుకు సిద్ధమయ్యాడు. ఇప్పటికే ఈ నిర్మాణ సంస్థ నుంచి 'సాహో' వచ్చింది. 'జాన్' సెట్స్‌పై ఉంది. ఇది వచ్చే ఏడాది చివరకు పూర్తయ్యే అవకాశాలు ఉన్నాయి. అందుకే ముందుగానే ప్రభాస్‌ను బుక్‌ చేసేసుకోవడానికి ఎందుకైనా మంచిదని మైత్రీ.. ఇటీవలే మరో రూ.8 కోట్లు అడ్వాన్స్గా చెల్లించిందట. మొత్తంగా డార్లింగ్కు ఇప్పటికే ఆ సంస్థ నుంచి రూ.13 కోట్లు అందినట్లయింది. కాబట్టి 'జాన్' పూర్తయిన వెంటనే మైత్రీ మూవీస్‌ సంస్థలోనే ప్రభాస్ పని చేసే అవకాశాలున్నాయి.