Nani shyam singha roy: ఓ భాషలో హిట్ అయినా సినిమాను మరోభాషలో రీమేక్ చేయడం సర్వసాధారణం. ప్రస్తుతం మెగాస్టార్ చిరంజీవి, పవన్ కల్యాణ్, వెంకటేశ్ లాంటి అగ్రహీరోలు రీమేక్లు చేస్తూ బిజీగా ఉన్నారు. మరోవైపు యువహీరోలు కూడా వాటిని చేసేందుకు ఆసక్తి చూపిస్తుంటారు. అయితే నేచురల్ స్టార్ నాని మాత్రం ఇకపై రీమేక్లు అస్సలు చేయనని అంటున్నారు.
'శ్యామ్ సింగరాయ్' ప్రచారంలో భాగంగా బుధవారం మీడియాకు ఇచ్చిన ఇంటర్వ్యూలో ఈ విషయాన్ని నాని స్పష్టం చేశారు. గతంలో తాను చేసిన రెండు రీమేక్ల నేర్పిన పాఠం వల్లే ఈ నిర్ణయం తీసుకున్నానని అన్నారు.
రీమేక్లు తనకు సెట్ కావానే విషయం తనకు అర్థమైందని చెప్పిన నాని.. తన సినిమాలు ఇతర భాషల్లో రీమేక్ అవుతుండటం ఆనందం కలిగిస్తోందని ఆనందం వ్యక్తం చేశారు.