allu arjun in bigg boss: ఐకాన్ స్టార్ అల్లుఅర్జున్ నటించిన 'పుష్ప' సినిమా త్వరలోనే రిలీజ్ కానుంది(Alluarjun pushpa movie). ఈ నేపథ్యంలో సినిమా ప్రమోషన్స్ను మొదలుపెట్టింది చిత్రబృందం. వరుసగా అప్డేట్లను ప్రకటిస్తూ ఫ్యాన్స్లో జోష్ నింపుతోంది. అయితే హిందీలో ఈ మూవీని ప్రమోట్ చేసేందుకు స్వయంగా బన్నీనే రంగంలోకి దిగుతున్నారని తెలిసింది.
ప్రమోషన్స్లో భాగంగా సల్మాన్ఖాన్ వ్యాఖ్యాతగా వ్యవహరిస్తున్న హిందీ బిగ్బాస్ 15వ సీజన్కు బన్నీ అతిథిగా వెళ్లనున్నారని టాక్ వినిపిస్తోంది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
కాగా, అల్లుఅర్జున్, సల్మాన్ ఖాన్ల మధ్య మంచి అనుబంధం ఉంది. ఇటీవలే సల్మాన్ ఖాన్ తన 'రాధే' సినిమాలో(salman khan dj song remix).. బన్నీ స్టెప్పులేసిన 'డీజే'లోని సీటీమార్ సాంగ్ను రిక్రియేట్ చేశారు. మరోవైపు, బన్నీ.. షాహిద్కపూర్తో కలిసి ఓ మల్టీస్టారర్ సినిమా చేయనున్నారని జోరుగా ప్రచారం సాగుతోంది.
భారీ బడ్జెట్‌ చిత్రంగా తెరకెక్కుతోన్న 'పుష్ప' చిత్రాన్ని మైత్రీ మూవీ మేకర్స్‌ నిర్మిస్తోంది. స్టైలిష్‌ డైరెక్టర్‌ సుకుమార్‌(sukumar alluarjun movie) ఈ చిత్రానికి దర్శకత్వం వహిస్తున్నారు. ఇందులో బన్నీ పుష్పరాజ్‌ అనే ఎర్రచందనం స్మగ్లర్‌ పాత్రలో కనిపించనున్నారు. ఆయన ప్రేయసి శ్రీవల్లిగా రష్మిక సందడి చేయనున్నారు(alluarjun rashmika movie). ప్రతినాయకుడిగా మలయాళీ నటుడు ఫహద్‌ ఫాజిల్‌ నటిస్తున్నారు. ఎర్రచందనం స్మగ్లింగ్‌ నేపథ్యంలో తెరకెక్కుతోన్న ఈ చిత్రాన్ని రెండు భాగాలుగా విడుదల చేయనున్నారు. 'పుష్ప ది రైజ్‌' పేరుతో మొదటి భాగాన్ని డిసెంబర్‌ 17న ప్రేక్షకుల ముందుకు తీసుకురానున్నారు. ఇప్పటికే విడుదలైన ఈ చిత్రంలోని పాటలు, గ్లింప్స్ ఫ్యాన్స్ను విపరీతంగా ఆకట్టుకున్నాయి. సినిమాపై భారీగా అంచనాలు పెంచాయి.
ఇదీ చూడండి:బాలయ్యలా డైలాగ్లు ఎవరూ చెప్పలేరు: అల్లు అర్జున్
