బాలీవుడ్ స్టార్ హీరో అజయ్దేవగణ్ ప్రస్తుతం నటిస్తోన్న సినిమా 'మైదాన్'. దీనిని వచ్చే ఏడాది ఆగస్టు 13న ప్రేక్షకుల ముందుకు తీసుకొస్తున్నట్లు తాజాగా ప్రకటించారు. కచ్చితంగా థియేటర్లలోనే తొలుత ప్రదర్శిస్తామని తెలిపింది. తొలుత ఈ నవంబరు 27నే విడుదల చేయాలనుకున్నా.. కరోనా వల్ల సినిమా చిత్రీకరణ నిలిచిపోయింది. దీంతో రిలీజ్లో మార్పు జరిగింది.
స‌య్య‌ద్ అబ్ధుల్ ర‌హీం జీవితం ఆధారంగా 'మైదాన్' తీస్తున్నారు. 1952 నుంచి 1963 మధ్య కాలంలో ఫుట్‌బాల్‌ క్రీడలో ప్రపంచ దేశాలపై అద్భుత ఆధిపత్యం ప్రదిర్శించింది భారత్. ఆ స‌మ‌యంలో ఆ జ‌ట్టుకు కోచ్‌గా ఈయన వ్యవహరించారు.
ప్రముఖ నిర్మాత బోనీ కపూర్, జీ స్టూడియోస్‌ నిర్మాణ సంస్థ సంయుక్తంగా ఈ సినిమా నిర్మిస్తున్నాయి. అజయ్ దేవగణ్‌తో పాటు ప్రియమణి, గజ్రాజ్ నటిస్తున్నారు. అమిత్‌ రవీందర్‌నాథ్‌ దర్శకుడు.