అగ్ర కథానాయకులు అక్షయ్ కుమార్, విద్యాబాలన్ 'మిషన్ మంగళ్'లో భాగస్వామ్యం కావడం ఓ రకంగా లాభమేనని వెల్లడించాడు దర్శకుడు జగన్ శక్తి. ప్రేక్షకులు అభిమానించే వారితో సినిమా తీస్తే ఎక్కువ ఆదరణ లభిస్తుందని చెప్పుకొచ్చాడు.
" నేను ఈ సినిమా కథను ఎంచుకున్నప్పుడు పెద్ద నటీనటులతో తెరకెక్కించాలని అనుకోలేదు. కానీ కథను మామూలుగా చెప్పగానే అందరూ నటించేందుకు ఒప్పుకున్నారు. ఇంతమంది స్టార్లు ఉండటం సినిమాకు కలిసివచ్చే అంశం. ఎందుకంటే ప్రముఖ వ్యక్తులతో తీసిన చిత్రం ఎక్కువ మందికి చేరుతుంది. అయితే కథలో దమ్ముంటే చిన్న నటులతో తీసినా మంచి ఆదరణ లభిస్తుంది".
-- జగన్ శక్తి, బాలీవుడ్ దర్శకుడు
ఇస్రో మార్స్ ఆర్బిటర్ను విజయవంతంగా ప్రయోగించిన కథాంశంతో రానుందీ మిషన్ మంగళ్. ప్రముఖ శాస్త్రవేత్త సతీష్ ధావన్ పాత్రను అక్షయ్ పోషించాడు. విద్యాబాలన్, తాప్సీ, కీర్తి కుల్హరీ, సోనాక్షి సిన్హా, నిత్యామీనన్ మహిళా శాస్త్రవేత్తలుగా కనిపించనున్నారు.