కరోనా సోకిన హాలీవుడ్ ప్రముఖ నిర్మాత హార్వే వీన్స్టీన్.. 14 రోజుల క్వారంటైన్ నుంచి విడుదలయ్యాడు. ప్రస్తుతం హార్వే ఆరోగ్య పరిస్థితి బాగానే ఉన్నట్లు ఆయన ప్రతినిధి జూడా ఎంగల్మేయర్ చెప్పారు. అయితే వైరస్కు సంబంధించి ఎటువంటి లక్షణాలు ఉన్నాయో చెప్పేందుకు నిరాకరించారు.
మీటూ ఆరోపణలు వచ్చిన ఆ నిర్మాతకు క్వారంటైన్ విముక్తి
మీటూ ఆరోపణలు ఎదుర్కొంటున్న హాలీవుడ్ నిర్మాత హార్వే వీన్స్టీన్.. క్వారంటైన్ నుంచి బయటకొచ్చాడు. లైంగిక వేధింపులు, అత్యాచారం కేసుల్లో దోషిగా తేలి, ప్రస్తుతం 23 ఏళ్ల జైలు శిక్ష అనుభవిస్తున్నాడు.
మీటూ ఆరోపణల్లో భాగంగా గత నెల 11న హార్వేకు 23 ఏళ్ల జైలు శిక్ష విధించారు. ఇతడు దాదాపు 90 మంది మహిళలపై లైంగిక దాడులకు పాల్పడినట్లు ఆరోపణలు వచ్చాయి. 2013లో న్యూయార్క్ నగరంలోని ఓ హోటల్లో ఓ నటిపై అత్యాచారం, 2006లో మిమి హలేయీపై లైంగిక దాడుల కేసుల్లో ఇతడిని దోషిగా తేల్చింది కోర్టు. అయితే శిక్ష వేసిన వారం రోజులకు సిటీ ప్రిజన్ రైకర్స్ ఐలాండ్ జైలుకు తరలించారు. ఆ తర్వాత కొద్దిరోజులకు ఇతడికి కరోనా పాజిటివ్గా తేలింది. అప్పటి నుంచి ఇప్పటివరకు నిర్బంధంలోనే ఉన్నాడు హార్వే.
ఇదీ చూడండి :'మనం ఒకటి రాస్తే దేవుడు మరో స్క్రిప్ట్ రాస్తాడు'