హన్సిక ప్రధాన పాత్రలో తెరకెక్కుతున్న చిత్రం 'మై నేమ్‌ ఈజ్‌ శ్రుతి'. ఈ నాయికా ప్రాధాన్య చిత్రానికి శ్రీనివాస్‌ ఓంకార్‌ దర్శకత్వం వహిస్తున్నారు. తాజాగా ఈ చిత్ర టీజర్ విడుదలై ఆకట్టుకుంటోంది. హన్సిక తన గురించి తాను పరిచయం చేసుకునే సన్నివేశంతో ప్రారంభమైన టీజర్ ఆద్యంతం ఉత్కంఠగా సాగింది. సంభాషణలు బట్టి చూస్తుంటే మనిషి చర్మంతో చేసే వ్యాపారం నేపథ్యంలో ఈ సినిమా రూపొందుతున్నట్టు అర్థమవుతోంది. 'చర్మం వలిచి బిజినెస్‌ చేస్తామంటున్నారు. ఏం చేయాలి వాళ్లను' అనే ప్రశ్నతో టీజర్ ముగిసింది. ప్రస్తుతం చిత్రీకరణ దశలో ఉన్న ఈ చిత్రం త్వరలోనే ప్రేక్షకుల ముందుకురానుంది. మురళిశర్మ, పూజా రామచంద్రన్‌ తదితరులు కీలక పాత్రల్లో కనిపించనున్నారు. వైష్ణవి ఆర్ట్స్‌ పతాకంపై బూరుగు రమ్య ప్రభాకర్‌ నిర్మిస్తున్నారు. ఈ సినిమాకి మార్క్‌ రాబిన్‌ సంగీతమందిస్తున్నారు.
పవన్కల్యాణ్ 'హరిహర వీరమల్లు', సమంత 'శాకుంతలం' చిత్రాలు ప్రపంచవ్యాప్తంగా భారీ స్థాయిలో విడుదల కానున్నాయి. ఈ సినిమాల మ్యూజిక్ రైట్స్ను.. ఆసియాలోనే అతిపెద్ద సంగీత సంస్థల్లో ఒకటైన టిప్స్ ఇండస్ట్రీస్ సొంతం చేసుకుంది. భారీ ధరకు ఈ మ్యూజిక్ రైట్స్ను దక్కించుకుందని సమాచారం.