రాహుల్ రామకృష్ణ. అర్జున్రెడ్డి సినిమాలో విజయ్ దేవరకొండ స్నేహితుడిగా నటించి గుర్తింపు తెచ్చుకోవడమే కాదు... మంచి డైలాగ్ టైమింగ్ ఉన్న నటుడిగానూ పేరు పొందాడు. విలేకరిగా జీవితాన్ని మొదలుపెట్టి.. కథా రచయితగా, పాటల రచయితగా, నటుడిగా టాలీవుడ్లో మంచి స్థానాన్ని సొంతం చేసుకున్నాడు. ఇప్పుడు తన నట జీవితంలో మరో స్థానాన్ని చేరుకునేందుకు సిద్ధమయ్యాడు. హాలీవుడ్లో హీరోగా నటించాలన్న తన కలను తీర్చుకోబోతున్నాడు.
హాలీవుడ్ హీరోగా రాహుల్ రామకృష్ణ!
అర్జున్ రెడ్డి ఫేమ్ రాహుల్ రామకృష్ణ హాలీవుడ్లో అడుగు పెట్టబోతున్నాడు. సైన్మ షార్ట్ ఫిల్మ్తో సినీ జీవితాన్ని ప్రారంభించిన రాహుల్కు హాలీవుడ్లో అవకాశం దక్కింది.
rahulu
సిల్క్ రోడ్ పేరుతో తెరకెక్కనున్న హాలీవుడ్ సినిమాకు.. ప్రదీప్ కటసాని స్వీయ దర్శకత్వంలో నిర్మిస్తున్నారు. 2 గంటల నిడివితో ఈ చిత్రాన్ని రూపొందిస్తున్నారని.. అమెరికాలోని లాస్ ఏంజెల్స్లో డ్రగ్స్, సైబర్ క్రైమ్ నేపథ్యంలో కథ ఉంటుందని తెలుస్తోంది. ఇందులో రాహుల్.. తెలుగు విద్యార్థిగా కనిపించబోతున్నట్టు సమాచారం. ఈ సినిమాకు సంబంధించిన విశేషాలను రాహుల్ సామాజిక మాధ్యమాల్లో పంచుకున్నాడు. ఇన్నాళ్లూ ఈ సందర్భం కోసమే ఎదురుచూస్తున్నట్టు చెప్పాడు.
తమ కష్టానికి తగిన ప్రతిఫలాన్ని పొందుతామన్న విశ్వాసం ఉందని ట్వీట్ చేశాడు.. రాహుల్ రామకృష్ణ. ఈ ప్రయత్నం విజయవంతం కావాలని అభిమానులు, సన్నిహితులు రాహుల్కు శుభాకాంక్షలు తెలుపుతున్నారు.