పాకిస్థాన్‌ సాహస బాలిక, నోబెల్ శాంతి బ‌హుమ‌తి గ్ర‌హీత మలాలా యూసుఫ్జాయ్ జీవితం ఆధారంగా తెర‌కెక్కుతున్న చిత్రం 'గుల్ మకాయ్'. మలాలా పాత్రలో రీమ్‌ షేక్‌ నటిస్తోంది. తాజాగా ఈ చిత్ర విడుదల తేదీని ఖరారు చేశారు. జనవరి 31న ప్రేక్షకుల ముందుకు తీసుకొస్తున్నట్లు ప్రకటించారు. ఇందులో మలాలా త‌ల్లి పాత్రలో దివ్య ద‌త్తా కనిపించనున్నారు. ఓం పురి, రాగిణి ఖ‌న్నాలు కీల‌క పాత్ర‌లు పోషిస్తున్నారు. అంజద్‌ ఖాన్‌ దర్శకుడు.
మలాల తన చిన్ననాటి అనుభవాలను 'గుల్ మకాయ్' అనే పేరుతో డైరీ రూపంలో రాసుకున్నారు. ఉర్దూలో రాసుకున్న ఈ పుస్తకానికి సంబంధించిన కథనం బీబీసీలో ప్రసారమైంది. ఇప్పుడదే పేరుతో మలాలా బయోపిక్ తెరకెక్కించారు.