బాలీవుడ్ మెగాస్టార్ అమితాబ్ బచ్చన్ విభిన్న పాత్రలో నటించిన సినిమా 'గులాబో సితాబో'. జూన్ 12న అమెజాన్ ప్రైమ్లో విడుదలైన ఈ చిత్రం ప్రేక్షకులను అమితంగా ఆకట్టుకుంటోంది. తాజాగా శుక్రవారం కుటుంబంతో కలిసి ఇంట్లోనే సినిమాను వీక్షించారు బిగ్బీ. ఈ క్రమంలో తన కెరీర్లో ఇంతకుముందెన్నడూ ఈ విధంగా జరగలేదని ఆనందం వ్యక్తం చేశారు.
"కుటుంబమంతా కలిసి కూర్చొని సినిమా చూడటం ఎంతో ఆనందాన్నిచ్చింది. నా కెరీర్లోనే మొట్టమొదటిసారి ఇలాంటి అనుభవం ఎదురైంది. విడుదలైన తొలిరోజే కుటుంబ సమక్షంలో ఇంట్లోనే సినిమా చూడటం నిజంగా ఆశీర్వచనీయం.