'టెనెట్' సినిమా కోసం ఆడిషన్లో పాల్గొనాలంటూ ఫోన్ వచ్చినప్పుడు, అది ప్రాంక్ అనుకున్నానని సీనియర్ నటి డింపుల్ కపాడియా చెప్పింది. ఈ చిత్రంతోనే హాలీవుడ్లోకి ఎంట్రీ ఇస్తోంది. డిసెంబరు 4న ప్రేక్షకుల ముందుకు రానుంది 'టెనెట్'. ఈ సందర్భంగా చిత్ర విశేషాలను పంచుకుంది డింపుల్.
"టెనెట్ ఆడిషన్కు రావాలని గతంలో ఫోన్ వచ్చింది. అది ప్రాంక్ కాల్ అనుకున్నా. క్రిస్టోఫర్ నోలన్ సినిమాలో నన్ను ఎందుకు ఎంపిక చేస్తారులే అనిపించింది. 'మీరు ఎక్కువగా ఊహించుకోవద్దు.. నేనిప్పుడు ఆడిషన్ ఇచ్చే పరిస్థితిలో లేను' అని వాళ్లకు చెప్పా. అయితే దీన్ని చేయగలనా అనిపించి, ఆడిషన్ ఇచ్చాను. ఆ తర్వాత వీడియోను చిత్రబృందానికి పంపాను. నోలన్ ఇండియా వస్తున్నాడని.. అతని కోసం ఆడిషన్ చేయమని చెప్పారు. ఆ దర్శకుడితో ఒక్క సినిమా చేయాలనే ఆశతో వెళ్లాను. ఆ తర్వాత సినిమాలో అవకాశం ఇచ్చారు. 'టెనెట్'లో నటిస్తున్నానని తెలియగానే ఎంతో గొప్పగా అనిపించింది. ఈ విషయాన్ని..'అమ్మ.. నీ కూతురు ప్రపంచంలోని గొప్ప దర్శకులలో ఒకరితో పనిచేయబోతున్నా' అని నా తల్లికి చెప్పాను. ఇన్నేళ్లలో ఆమె ముఖంలో సంతోషకర నవ్వును చూశాను"
- డింపుల్ కపాడియా, బాలీవుడ్ నటి