కథానాయకుడు గోపీచంద్ హీరోగా నటించిన సినిమా 'సీటీమార్'. విడుదల తేదీ వాయిదా పడుతూ వచ్చిన ఈ చిత్ర కొత్త రిలీజ్ డేట్ను ఆగస్టు 20న ప్రకటిస్తామని తెలిపింది చిత్రబృందం. ఈ సినిమాలో గోపీచంద్ సరసన తమన్నా హీరోయిన్గా నటించింది. వీరిద్దరూ కబడ్డీ కోచ్ల పాత్రలు పోషించారు. మణిశర్మ సంగీతమందించగా, శ్రీనివాస చిట్టూరి నిర్మాతగా వ్యవహరించారు. ఈ చిత్రానికి దర్శకుడు సంపత్ నంది.
తొలి షెడ్యూల్ పూర్తి
రామ్ పోతినేని హీరోగా లింగుస్వామి దర్శకత్వంలో ఓ సినిమా తెరకెక్కుతోంది. ప్రస్తుతం ఈ చిత్ర షూటింగ్‌ RAPO19 వర్కింగ్‌ టైటిల్‌తో శరవేగంగా సాగుతోంది. తాజాగా ఈ మూవీ తొలి షెడ్యూల్ పూర్తి చేసుకుంది. ఈ చిత్రానికి దేవిశ్రీ ప్రసాద్‌ సంగీతం అందిస్తున్నారు. కృతిశెట్టి హీరోయిన్. తెలుగు, తమిళ భాషల్లో విడుదల కానున్న ఈ సినిమాపై అభిమానుల్లో భారీ అంచనాలు నెలకున్నాయి.
మహేశ్ చేతుల మీదుగా
దర్శకుడు కరుణ కుమార్‌ దర్శకత్వంలో సుధీర్‌బాబు హీరోగా తెరకెక్కుతోన్న కొత్త సినిమా 'శ్రీదేవి సోడా సెంటర్‌'(Sridevi Soda Centre). ఈ చిత్ర ట్రైలర్ను ఆగస్టు 19న ఉదయం 10గంటలకు సూపర్ స్టార్ మహేశ్బాబు రిలీజ్ చేయనున్నారు. ఆగస్టు 27న ప్రేక్షకుల ముందుకు రానుందీ సినిమా. ఆనంది కథానాయిక.