థానోస్​ పవర్​ను వాడుకుంటున్న గూగుల్​

ప్రముఖుల పుట్టినరోజులు, ముఖ్యమైన రోజుల్లో గూగుల్ ప్రత్యేక​ డూడుల్​తో ప్రజలను ఆకర్షిస్తుంది. తాజాగా అవెంజర్స్​ సినిమా గురించి ప్రపంచవ్యాప్తంగా చర్చ జరుగుతోంది. ఈ ట్రెండింగ్​ విషయాన్ని గూగుల్​ భలే ఉపయోగించుకుంటోంది. కావాలంటే ఈ వీడియో చూశాక మీరూ ప్రయత్నించండి.

నెటిజన్లను ఆకట్టుకునేందుకు గూగుల్​ ఎప్పటికప్పుడు నూతన పంథా ఎంచుకుంటోంది. తాజాగా అవెంజర్స్​కు జనాల్లో ఉన్న క్రేజ్​ను క్రియేటివ్​గా వాడేసుకుంది.

అవెంజర్స్‌ ఎండ్‌గేమ్‌ రిలీజ్‌ రోజున ఓ సరికొత్త మ్యాజిక్​ను గూగుల్‌ యూజర్స్‌ కోసం తయారు చేసింది. అవెంజర్స్‌ 'ఇన్ఫినిటీ వార్‌'లోని క్లైమాక్స్‌లో థానోస్‌ తన హ్యాండ్‌ గ్లౌజ్‌తో చిటికె వేయగానే కొన్ని పాత్రలు బూడిదలా మారి మాయమవుతుంటాయి. ఆ దృశ్యాన్ని గూగుల్​ సృజనాత్మకంగా ఉపయోగించుకుని ఓ కొత్త ఫీచర్​ను ప్రజలకు అందుబాటులోకి తెచ్చింది.

మాయమవుతాయి...మళ్లీ వస్తాయి

గూగుల్‌లో 'థానోస్‌' అని టైప్‌ చేసి సెర్చ్‌ చేయగానే... థానోస్‌ చేతికి ధరించే హ్యాండ్‌ గ్లౌజ్‌ కుడి చేతివైపు కనిపిస్తుంది. దాని మీద క్లిక్‌ చేస్తే.. అది ఒక చిటికె వేసి ఓ మ్యాజిక్​ చేస్తుంది. గూగుల్‌ తెరపై కనిపించే సెర్చ్‌ రిజల్ట్స్‌లో చాలా వరకు మాయం అవుతాయి. స్రీన్​ ఖాళీ అయ్యాక మళ్లీ అదే గ్లౌజ్​ మీద క్లిక్ చేస్తే మాయమైనవి మరలా ప్రత్యక్షమవుతాయి. ​ఇది ప్రస్తుతం నెట్టింట మరో ట్రెండ్​గా కనిపిస్తోంది.