Godfather Movie Chiranjeevi: ఇటీవలే కరోనా బారినపడిన మెగాస్టార్ చిరంజీవి.. వైరస్ నుంచి కోలుకున్నారు. కొద్ది రోజుల గ్యాప్ తర్వాత మళ్లీ షూటింగ్ సెట్లో అడుగుపెట్టారు. ఈ విషయాన్ని ట్విట్టర్లో వెల్లడించారు చిరు.
మోహన్‌ రాజా దర్శకత్వంలో ఆయన నటిస్తున్న 'గాడ్ ఫాదర్' చిత్రీకరణ హైదరాబాద్లో తిరిగి ప్రారంభమైంది. ఈ సందర్భంగా 'బాస్ ఈజ్ బ్యాక్' అంటూ ప్రకటించింది చిత్రబృందం. సెట్లో చిరుతో పాటు నటులు సత్యదేవ్, సునీల్ కూడా ఉన్నారు.
మలయాళ బ్లాక్‌బస్టర్‌ 'లూసిఫర్‌' రీమేక్‌గా 'గాడ్ ఫాదర్' తెరకెక్కుతోంది. ఇందులో బాలీవుడ్ సూపర్స్టార్ సల్మాన్ ఖాన్ కీలకపాత్రలో నటిస్తున్నారు. నయనతార కథానాయిక. తమన్ సంగీతమందిస్తున్నారు.
స్క్రిప్ట్ పనుల్లో పవర్స్టార్..
Pawan Kalyan Hari hara Veera mallu: క్రిష్‌ దర్శకత్వంలో పవర్స్టార్ పవన్కల్యాణ్ నటిస్తున్న చిత్రం 'హరిహర వీరమల్లు'. ఇప్పటికే సగ భాగం చిత్రీకరణ పూర్తయింది. పలు కారణాల వల్ల షూటింగ్ నిలిచిపోయింది. ఈ క్రమంలోనే ఇటీవలే స్క్రిప్ట్ పనుల్లో పాల్గొన్నారు పవన్కల్యాణ్.
స్క్రిప్ట్ పనుల్లో 'హరిహర.. ' చిత్రబృందం
పవన్ నుంచి వస్తున్న తొలి పాన్‌ ఇండియా సినిమా ఇది. 17వ శతాబ్దం నాటి మొఘలాయిలు, కుతుబ్‌షాహీల శకం నేపథ్యంలో సాగే ఆసక్తికర కథాంశంతో రూపొందుతోంది. ఇందులో పవన్ ఓ గజదొంగగా కనిపించనున్నట్లు సమాచారం.
పవన్‌కల్యాణ్‌కు జోడీగా నిధి అగర్వాల్‌ నటిస్తోంది. ఎ.దయాకర్‌రావు, ఎ.ఎమ్‌.రత్నం నిర్మాతలు. బాలీవుడ్ తారలు అర్జున్‌ రాంపాల్‌, నర్గీస్‌ ఫక్రీ కూడా ఇందులో నటిస్తున్నారు.
ఫిబ్రవరి 7న రవితేజ 'ఖిలాడి' ట్రైలర్
ఇదీ చూడండి:'పోస్టర్పై నా పేరు వేయండి: హీరో రవితేజ'
