*వరుణ్తేజ్ 'గని' టీజర్(ghani teaser download).. సోమవారం(నవంబరు 15) ఉదయం 11:08 గంటలకు రిలీజ్ చేయనున్నారు. వరుణ్(varun tej new movie) బాక్సింగ్ బ్యాగ్తో ఉన్న కొత్త పోస్టర్ను రిలీజ్ చేశారు. ఇందులో హీరోయిన్గా సయీ మంజ్రేకర్ నటించింది. ఉపేంద్ర, సునీల్శెట్టి కీలకపాత్రలు పోషిస్తున్నారు. తమన్ సంగీతమందిస్తున్నారు. కిరణ్ కొర్రపాటి ఈసినిమాతో దర్శకుడిగా పరిచయమవుతున్నారు. అల్లు బాబీ-సిద్ధు ముద్ద సంయుక్తంగా నిర్మించారు. ఈ చిత్రం డిసెంబరు 3న థియేటర్లలోకి రానుంది.
*అజయ్ దేవ్గణ్ 'సింగం 3' గురించి దర్శకుడు రోహిత్ శెట్టి స్పష్టతనిచ్చాడు. వచ్చే ఏడాదే షూటింగ్ మొదలవుతుందని చెప్పారు. ఇటీవల 'సూర్యవంశీ'(sooryavanshi full movie) సినిమాతో ప్రేక్షకుల ముందుకు వచ్చిన ఈ డైరెక్టర్.. 'సింగం 3'(singham 3 ajay devgan) గురించి చిన్న హింట్ కూడా ఇచ్చాడు. కశ్మీర్లోని 'ఆర్టికల్ 370' ఆధారంగా ఈ సినిమా తీయనున్నట్లు తెలుస్తోంది. మరి ఈ చిత్రంలో ఎవరెవరు నటిస్తారు? ఏంటి అనే విషయాలు తెలియాలంటే కొన్నిరోజులు ఆగాల్సిందే.
* తెలుగు తెరపై మరో సరికొత్త కథతో ప్రేక్షకుల ముందుకు రాబోతున్న చిత్రం 'రాక్షసకావ్యం'. శ్రీమాన్ కీర్తి దర్శకత్వంలో గరుడా ప్రొడక్షన్స్, పింగో పిక్చర్స్ సంయుక్తంగా నిర్మిస్తున్న ఈ సినిమా టైటిల్, ఫస్ట్లుక్ మోషన్ పోస్టర్ను చిత్రబృందం విడుదల చేసింది. 'శుక్లాం భరదరం' అని విష్ణు శ్లోకంతో మొదలైన మోషన్ పోస్టర్.. రాక్షస కావ్యంపై ఆసక్తిని రేకెత్తిస్తోంది. తెలంగాణ యాసలో రాక్షస కావ్యంలోని కథాంశాన్ని వివరిస్తూ చెప్పే సంభాషణలు ఆకట్టుకుంటున్నాయి. దయానంద్, నవీన్, అన్వేశ్, పవన్ రమేశ్ యాదమరాజు ప్రధాన పాత్రల్లో నటించగా.. రాజీవ్ రాజ్, శ్రీకాంత్ సంయుక్తంగా సంగీతాన్ని అందిస్తున్నారు.