గాంధీని హత్య చేసిన గాడ్సేపై సినిమా

గాంధీని హత్య చేసిన గాడ్సే భావజాలం ఆధారంగా సినిమా తీస్తున్నారు. దీనికి 'మరణ వాగ్మూలం' టైటిల్​ను నిర్ణయించారు. వచ్చే వేసవికి ప్రేక్షకుల ముందుకు తీసుకురానున్నారు.

స్వాతంత్ర్యనంతర భారతదేశ చరిత్రలో గాంధీ హత్య ఘటనకు చాలా ప్రాధాన్యం ఉంది. ఆ హత్య చేసిన హంతకుడిగా గాడ్సే అందరికి తెలుసు. ఇప్పుడు ఆయన భావజాలాన్ని 'మరణ వాంగ్మూలం' పేరుతో తెరపై చూపించనున్నారు దర్శకుడు భరద్వాజ్ రంగావఝ్ఝల. తెలుగు హిందీ భాషల్లో రూపొందనున్న ఈ చిత్రాన్ని సూరజ్ కొల్లి నిర్మిస్తున్నారు.

మరణ వాగ్మూలం సినిమా పోస్టర్

ఈ చిత్ర పోస్టర్​ను ఆవిష్కరణ కార్యక్రమం నిర్మాత తమ్మారెడ్డి భరద్వాజ, దర్శకుడు కరుణ కుమార్​ చేతుల మీదుగా హైదరాబాద్​లో శుక్రవారం జరిగింది. "రెండేళ్లుగా ఈ సినిమాపై రీసెర్చ్​ చేశాను. గాడ్సే భావజాలాన్ని చెప్పడానికి సినిమా తీస్తే బాగుంటుందనిపించి ఈ ప్రయత్నం చేస్తున్నాం" అని దర్శకుడు భరద్వాజ్ అన్నారు. డిసెంబరులో ప్రారంభించి, వేసవికి విడుదల చేసే ఆలోచనలో ఉన్నట్లు నిర్మాత చెప్పారు.