బాలీవుడ్ లవ్బర్డ్స్ కత్రినా కైఫ్-విక్కీ కౌశల్.. తమ పెళ్లి గురించి అధికారికంగా ప్రకటించనప్పటికీ రోజుకో వార్త ప్రచారంలోకి వస్తోంది. వచ్చే నెలలో రాజస్థాన్లోని ఓ ప్రముఖ కోటలో వీరిద్దరూ వివాహం చేసుకోనున్నారని అంతా మాట్లాడుకుంటున్నారు. అయితే ఇప్పుడు రాజస్థాన్ వెళ్లక ముందే వచ్చే వారంలో ముంబయిలో రిజిస్టర్ మ్యారేజ్ చేసుకోనున్నట్లు ఈ జంటకు సంబంధించిన వర్గాలు తెలిపాయి.
తమ పెళ్లి ఫొటోలు సోషల్మీడియాలో లీక్ అవ్వకుండా ఉండేందుకు విక్కీ-కత్రిన జాగ్రత్తలు తీసుకుంటున్నట్లు సదరు వర్గాలు వెల్లడించాయి. వారి పెళ్లికి ఫోన్లను అనుమతించకుండా ఉండే చర్యలు తీసుకుంటున్నారని చెప్పాయి.